xoves, 29 de setembro de 2011

CONVOCATORIA DA ASAMBLEA XERAL DE ABONADOS:


Pola presente convócaseche á Asemblea xeral ordinaria que terá lugar o vindeiro venres30 de Setembro, a partires das 20:00 horas ,en primeira convocatoriae ás 20:30 horas en segunda no local que nos cede o Concello de Boiro na Cachadacoa seguinte orde do dia :

                   1.- Lectura e aprobación, se procede, da acta anterior.
                   2.- Memoria económica e deportiva da tempada  10/11.
                   3.- Planificación tempada 11/12.
                   4.- Renovación da Secretaría.
                   5.-Rogos e preguntas.



NOTA!: recordade que tódolos adestramentos do venres están cancelados para facilitar deste xeito a afluencia de todo o mundo a dito compromiso. Agardamos a túa asistencia!

mércores, 28 de setembro de 2011

AMIGABLES PARA ESTE SÁBADO:

O vindeiro sábado 1 de outubro os equipos xuvenil masculino e filial masculino terán a volta dos partidos amigables que disputaron a pasada fin de semana en Noia. Os encontros comezarán as 17:00h tendo como protagonistas a ámbolos dous equipos xuvenís. A continuación será o turno dos maiores a partires das 18:30 aproximadamente.


Estreamos a temporada como locais

TRILLIZOS BOIRO VOLEIBOL - CV NOIA
(Xuvenil masculino) - (PM de Barraña,17:00h)

REDESYL BOIRO VOLEIBOL - CV NOIA
(2ª Div. Masculina) - (PM de Barraña, 18:30)

domingo, 25 de setembro de 2011

Doblete de vitorias na visita a Noia:

No día de onte os nosos equipos xuvenil e filial masculino viaxaban á vila noiesa para medirse en sendos amigables de preparación para as competicións autonómicas que comezan o vindeiro 8 de outubro.

CV NOIA 0-3 TRILLIZOS BOIRO VOLEIBOL
(15-25, 13-25, 22-25)-(Xuvenil masculino)
Trillizos Boiro VB 2011-2012
Cómoda vitoria dos xuvenís do Boiro Voleibol na súa estrea nesta nova andaina que os levarán unha vez máis á liga galega. Acertados en recepción, moi ordeados en defensa e cun efeciente ataque da man, sobre todo, do central Martín Herrera e do receptor Dani Sieira conseguiron anotarse con comodidade os dous primeiros parciais. No derradeiro terceiro set ámbolos equipos cometeron erros non forzados propios da pretemporada e levaron o tanteador a un axustado 22-25 que finalmente caeu de saco visitante polo acerto na dirección dos colocadores boirenses. Queda moito traballo aínda por facer, e nas vindeiras datas agardamos minimizar erros para chegar na mellor forma posible ó día do debut en Lugo ante o EMEVE. Polo Trillizos xogaron: Daniel Vázquez, Fran Dieste, Abel Sánchez, Dani Sieira, Martín Herrera, Alfonso Rey e Arsenio Santos (Líbero). Tamén xogaron Ismael Martínez, Xián Pérez, Miguel Lorenzo, Adrián Outeiral e Lois Vázquez.

CV NOIA 2-3 BOIRO VOLEIBOL
(15-25, 25-16, 9-25, 25-19, 16-18)-(Senior masculino)
Xavier Sarille ataca
Axustada vitoria do equipo filial masculino que dirixe Felipe García ante un rival da súa mesma categoría. Con moitos aspectos do xogo aínda por pulir presentábase en Noia o cadro filial do Boiro Voleibol mostrando nos inicios do encontro un forte K1. Aproveitando para efectuar múltiples sustitucións e variantes no xogo o equipo viviu diferentes situacións complicadas que deberá afrontar en vindeiros encontros. Boa pedra de toque para valorar o nivel de conxunto e ver en acción ás novas pezas como son Dani García, Pablo Suárez, Felipe Resúa ou Andrés Martínez. Polo Boiro Voleibol xogaron: Andrés García, Roberto Rodríguez "Tito", Alén García, Xavier Sarille, Martín Herrera, Pablo Suárez e Adrián Armental (Líbero). Como reservas actuaron Felipe Resúa, Dani García, Diego Romero, Diego Alcalde e Juan "Mande".

xoves, 22 de setembro de 2011

APRÁZASE O A ESTREA DO NÁUTICO BOIRO VB:

A estrea en competición oficial do primeiro equipo masculino do Boiro Voleibol que estaba prevista para esta sábado 24 de setembro debe esperar. O partido que enfrentaba ós pupilos de Emilio Palacio contra o FC Bertamiráns correspondente á 2ª fase da Copa Xunta de Galicia demorarase a unha data aínda por confirmar. Mentres, os boirenses continúan coa preparación para a defensa do título obtido na 1ª División nacional, que comezarán o vindeiro 29 de outubro en León ante o AULE.


mércores, 21 de setembro de 2011

PRIMEIROS PARTIDOS DE PREPARACIÓN:

O vindeiro sábado 24 os nosos equipos xuvenil masculino que disputrará a vindeira edición da liga galega e filial masculino que milita na 2ª división autonómica terán sendos encontros de preparación para poñerse a punto para as súas respectivas competicións ligueiras que dan o pistoletazo de saída o día 8 de outubro. O rival de ámbolos dous será o CV Noia e os horarios serán os seguintes:

CV NOIA-BOIRO VOLEIBOL
(Xuvenil masculino)(16:00h, Polideportivo Alonso Rodríguez)

CV NOIA-BOIRO VOLEIBOL
(2ª Div. Masculino)(17:30h, Polideportivo Alonso Rodríguez)

domingo, 18 de setembro de 2011

CALENDARIOS DAS COMPETICIÓNS AUTONÓMICAS:

No día de onte a FGVB fixo públicos os calendarios de competición das seguintes competicións autonómicas:


venres, 16 de setembro de 2011

NOVO TÉCNICO PARA O EQUIPO FILIAL:

Felipe García
O equipo filial masculino estrea preparador para esta nova temporada 2011-2012. Trátase do pobrense Felipe García que chega á dirección técnica do Boiro Voleibol con moita ilusión e coa esperanza de dar unha base sólida ó equipo. Cabe destacar que Felipe portou a elástica branca e azul do primeiro equipo durante varias temporadas demostrando en todas elas un traballo e un compromiso cos seus compañeiros excepcional. O ex-central terá o gusto de dirixir a un conxunto de xogadores moi novo e con moita progresión no que se poderán ver algunhas caras novas como as do colocador santiagués Dani García ou a do central noiés Pablo Suárez. Esta xuventude terá o respaldo axeitado a través de xogadores consagrados e contrastados tal e como o colocador boirense Andrés Martínez ou o oposto da Pobra do Caramiñal Ignacio Cibeira "Frigu" que pasarán a ocupar praza no equipo filial tras moitos anos de servicio ó primeiro equipo. Moita sorte para todos nesta nova andaina.