SEPTETO IDEAL DA XORNADA DE NADAL:

Septeto ideal da xornada previa ó Nadal

A xornada previa ás vacacións de Nadal non foi todo o fructífera que desexaríamos en canto ós seus resultados, pero cabe destacar a actuación de algún dos nosos xogadores e xogadoras. Alá imos. Colocadora, Ángela Triñanes: o seu saber facer na dirección do JEALSA axudou de maneira clara na vitoria que as de Mario Iglesias acadaron en Vigo. Oposta, Mariana Díaz: os seus 10 puntos en ataque son as credenciais que presentou a rianxeira para optar a este equipo ideal do que definitivamente forma parte. Receptor 1, Ana Bugallo: Destacada a actuación en labores ofensiva da irmá pequena dos Bugallo. Semana tras semana demostra que é unha das grandes canoneiras da Liga Galega Cadete Feminina. Receptor 2, Xian Pérez: contundente en ataque e atinado en recepción foi un oasis no encontro que o Redesyl disputou en Coia. Central 1, Alejandra Galbán: a súa melloría na rede dota ó JEALSA dun maior podería ofensivo e ofensivo. Foi unha das destacadas na derrota que as xuvenís sufriron en Monforte. Central 2, Lois Vázquez: por momentos imparable en ataque era unha vía de escape segura para o caudal ofensivo do noso equipo xuvenil masculino. Malia o potencial do rival, Lois consegue de xeito merecido esta convocatoria. Líbero, Sheila Outeiral: seria en defensa e moi atinada en recepción no tropezo no tie-break das xuvenís ante a AD A Pinguela.

RESULTADOS DUNHA XORNADA CON TAN SÓ UNHA VITORIA:

ELLAEL VIGO VOLEY 0-3 JEALSA BOIRO VOLEIBOL

(23-25, 18-25, 15-25)-(2ª Div. Autonómica Feminina)

3 puntos de ouro antes do parón de Nadal

Importantísimo triunfo o do noso primeiro equipo feminino para seguir de preto a estela dos conxuntos da parte alta da táboa clasificatoria. As de Mario Iglesias atópanse na 6ª praza a 5 puntos do 4º clasificado e cun partido pendente de xogar ante o XAV de Cambados. Despois dunha semana complicada pola incertidume creada polas obras no Complexo Polidepertivo da Cachada chegaba o JEALSA a Vigo coas baixas de Rebeca González, Paula Rial e Sheila Pouso. As típicas dúbidas das nosas nos compases iniciais dos encontros volveron aflorar en Pista Vermella. As imprecisións en recepción e ataque impedíalle ó JEALSA atopar un ritmo de xogo axeitado para dominar cómodamente o tanteador. Deste xeito, as locais chegaban por diante ó momento decisivo do primeiro parcial (22-21) aproveitando a indecisión branquiazul. Neste momento, o control dos erros non forzados e a orde táctica fixo que as boirenses lle deran a volta ó marcador e se adiantasen no partido nun axustadísimo final de set. As seguintes mangas non foron moi diferentes en canto ó guión. Malia non exhibir un xogo vistoso as nosas conseguían voltar a terras barbanzás con 3 valiosísimos puntos froito da presión exercida dende a liña de saque, factor que imposibilitaba unha construcción de calidade por parte das olívicas. Polo JEALSA xogaron: Ángela T., Mariana D., María T., Cristina F., Alejandra M., Andrea B. e Verónica D. (líbero). Tamén xogou Carla O.

SÁBADO 21, XORNADA PREVIA ÁS VACACIÓNS DE NADAL:

CLUB VIGO VOLEIBOL - JEALSA BOIRO VOLEIBOL

(12:15h, PM de Coia)-(Liga Galega Xuvenil Masculina)

CLUB VIGO VOLEIBOL B - REDESYL BOIRO VOLEIBOL

(16:00h, PM de Coia)-(2ª Div. Autonómica Masculina)

AD A PINGUELA - JEALSA BOIRO VOLEIBOL

(16:30h, PM A Pinguela)-(Liga Galega Infantil Feminina)

AD A PINGUELA - JEALSA BOIRO VOLEIBOL

(18:00h, PM A Pinguela)-(Liga Galega Cadete Feminina)

AD A PINGUELA - JEALSA BOIRO VOLEIBOL

(19:30h, PM A Pinguela)-(Liga Galega Xuvenil Feminina)

ELLAEL VIGO VOLEY - JEALSA BOIRO VOLEIBOL

(19:30h, Pista Vermella)-(2ª Div. Autonómica Feminina)

EQUIPO IDEAL DA XORNADA (14 E 15 DE DECEMBRO):

Septeto ideal do 14 e 15 de decembro

As catro vitorias acadadas polos nosos equipos nesta fin de semana déixannos ós seguintes destacados: Colocadora, Lea Gatbache: xenial actuación a realizada pola xoven directora de orquesta do JEALSA no encontro que as cadetes gañaron por 3-0 ante o equipo pontevedrés do CVP. O seu servicio e tino na xestión do caudal ofensivo do equipo foi chave para lograr os dous puntos. Oposto, Narciso Abalo: o crucense destacou no encontro no que o Náutico pereceu ante o Mediterráneo de Castellón. Con 13 puntos e un 45% de efectividade en ataque foi o máximo artilleiro do seu equipo e o 2º de toda a xornada da categoría de prata. Receptora 1, Ana Bugallo: vital a súa aportación ofensiva no triunfo das cadetes. En todo momento superou a defensa pontevedresa nun encontro no que destacou por riba das demais xogadoras. Receptor 2, Xian Pérez: baluarte ofensivo do Redesyl na 4ª vitoria da tamporada para o noso equipo filial. Central 1, Alejandra Galbán: foi un muro (4 bloqueos) no encontro que o noso primeiro equipo feminino venceu ante o Comercial Durán de Pontevedra. Central 2, Lía Villar: por segunda semana consecutiva no 7 ideal gracias ó seu saber facer en ataque e á estabilidade que aporta ó seu equipo dende a liña de saque. Malia a derrota do equipo infantil Lía é unha das destacadas da xornada no Boiro Voleibol. Líbero, Paula Rial: primeira nominación para a líbero do JEALSA nesta tempada. Segura en recepción e moi dinámica en defensa, características que a converten na mellor no seu posto nesta pasada fin de semana.

CRÓNICAS DUNHA XORNADA QUE NOS DEIXA 4 TRIUNFOS:

NÁUTICO BOIRO VOLEIBOL 0-3 CV MEDITERRÁNEO DE CASTELLÓN

(23-25, 27-29, 15-25)-(Superliga 2 Masculina)

Narciso A. ataca ante o bloqueo castellonense

Axustada derrota dos homes de Emilio Palacio a pesar do 0-3 reflexado no tanteador final. Os boirenses dominaron os dous primeiros sets en case que tódolos tempos técnicos, deixando escapar rendas tales coma un 24-19 no segundo parcial. A falta de mordente nos momentos finais dos sets son unha cara peaxe que está a pagar o Náutico nos últimos tempos, poñendo en bandexa encontros nos que o desenlace podía ter sido ben diferente. O encontro comezaba igualado. O tanteo inicial entre ámbolos dous equipos levaba o encontro igualada ata o primeiro tempo técnico (8-7). Foi a partires de aquí cando o servicio boirense desequilibrou a balanza para abrir unha fenda no tanteador que nos levaría ó segundo parón con 3 puntos de vantaxe 16-13). Tal renda persistiu ata que o Náutico chegou á vintena de puntos, momento no que os castellonenses aproveitaron o pouco instinto depredador dos nosos para poñerse por diante no encontro. O segundo parcial arrancaba con dominio branco e azul. Da man de Narciso Abalo, máximo anotador boirense con 13 puntos, conseguían os nosos superar á defensa do Mediterráneo, chegando ó derradeiro tempo técnico do set cun favorable 21-19. Neste momento chegaba á liña de saque o colocador Iván Souto. Con 3 canonazos imparables conseguía o santiagués o primeiro balón de set (24-19). Desde este momento o infortunio instaurouse en campo do Náutico, que chegou a desperdiciar ata 7 oportunidades de gañar o set. O que perdoa acaba pagando e así foi, o Mediterráneo aproveitou a súa primeiro oportunidade e puxo un pesadísimo 0-2 na Cachada. O terceiro foi un set marcado pola desilusión local. A derrota nos dous primeiros sets era unha carga con demasiado lastre para os nosos que vían como agora os castellonenses levaban a manixa do encontro xogando a favor de corrente. O oposto visitante Álvaro Villalba sería o puñal que acabaría co Náutico cos seus 17 puntos saíndo desde o banco de suplentes e levando ós seus compañeiros á Copa Príncipe que se disputará en Cáceres. Consulta aquí a estadísitica do encontro. Polo Náutico xogaron: Iván S., Narciso A., Cristóbal Á., Gustavo R., Jesús V., Emilio P. e Adrián A. (líbero). Como reservas estaban Ismael M., Fran D., Manuel P., Miguel V. e Antón P. Causou baixa Mario I.

XA ESTÁN DISPOÑIBLES OS HORARIOS DOS PARTIDOS DESTA FIN DE SEMANA:

SÁBADO 14:

REDESYL BOIRO VOLEIBOL - CV PONTEVEDRA COMERCIAL DURÁN

(16:00h, A Cachada)-(2ª Div. Autonómica Masculina)

NÁUTICO BOIRO VOLEIBOL - CV MEDITERRÁNEO DE CASTELLÓN

(19:30h, A Cachada)-(Superliga 2 Masculina)

DOMINGO 15:

JEALSA BOIRO VOLEIBOL - ALIANZA ESPAÑOLA SEGUROS S.S. CVP

(10:30h, A Cachada)-(Liga Galega Infantil Feminina)

JEALSA BOIRO VOLEIBOL - CV PONTEVEDRA

(10:30h, A Cachada)-(Liga Galega Xuvenil Feminina)

JEALSA BOIRO VOLEIBOL - ALIANZA ESPAÑOLA SEGUROS S.A. CVP

(12:30h, A Cachada)-(Liga Galega Cadete Feminina)

JEALSA BOIRO VOLEIBOL - CV PONTEVEDRA COMERCIAL DURÁN

(12:30h, A Cachada)-(2ª Div. Autonómica Feminina)

EQUIPO IDEAL DA XORNADA ANTE O EMEVÉ DE LUGO:

#7idealBoiroVoleibol (7-12-2013)

Moitas son as actuacións destacadas que nos deixan os nosos xogadores nunha fin de semana onde 5 dos equipos do Boiro Voleibol voltaron coa vitoria debaixo do brazo. Alá imos. No posto de colocadora temos a Ada Villar: intelixente dirección e moito criterio nos momentos importantes do encontro no que as infantís conseguiron a súa 4ª vitoria do ano. Colocador-Oposto, Darío Outeiral: excepcional en servicio tanto no partido infantil como no cadete. Cada rotación súa de saque era un respiro para os seus compañeiros. Destacada actuación tamén en labores ofensivas e de director de equipo. Receptora 1, Rebeca González: extraordinaria aportación ofensiva a da xogadora da canteira boirense na vitoria do primeiro equipo feminino sobre as lucenses. O seu potente servicio axudou enormemente a facer tremer a recepción local no desempate. Receptor 2, Rubén Martínez: clase maxistral do pequeno dos Martínez na Casa do Deporte. A súa actuación ofensiva, en saque, en defensa e sobre todo en carácter convírteno probablemente na figura destacada da fin de semana. Central 1, Lois Vázquez: atinado en bloqueo e decisivo en ataque. Malia a derrota do equipo xuvenil ante o EMEVÉ Lois deixou as mellores accións do partido na rede, motivo polo cal se gaña unha semana máis o dereito a formar neste #7idealBoiroVoleibol. Central 2, Lía Villar: semana a semana o seu ataque é máis determinante e axuda a que o equipo infantil consiga vitorias. Líbero, Felipe Resúa: a súa presencia mellora por sí mesma a autoestima do equipo filial. Nun equipo plagado de xogadores en idade xuvenil Felipe é un oasis de experiencia, saber estar e veteranía.

5 VITORIAS EN 8 ENCONTROS É A BAGAXE QUE NOS DEIXA A VISITA Ó EMEVÉ:

EMEVÉ ÉLIDE B 2-3 JEALSA BOIRO VOLEIBOL

(25-19, 21-25, 22-25, 25-20, 8-15)-(2ª Div. Autonómica Feminina)

A vitoria en Lugo deixa ó JEALSA 6º na 2ª División

Vitoria axustada do equipo senior feminino nun encontro que dende cedo se lles complicara polos erros cometidos en recepción. As luguesas, cunha renda inicial de 5-1 xa non a perderían ata o desenlace do primeiro acto. Chegado este punto tivo lugar un dos acontecementos do día. Ángela Triñanes, colocadora da canteira crucense, volveu a vestir a elástica branquiazul e aportou tranquilidade a un equipo que dominou os dous seguintes sets. Co 1-2 no luminoso favorable para as de Boiro as pantasmas do arranque de partido regresaron. Os erros de recepción sumados á imprecisión en servicio brindáballes ás locais a posibilidade de levar o encontro ó set de desempate. Moi concentradas conseguiron as de Mario Iglesias levar a cabo unha xestión dos seus erros máis intelixente para pechar o encontro no seu favor. Destacable a actuación ofensiva da receptora Rebeca González, conseguindo máis de 20 puntos de ataque e 6 saques directos. Polo JEALSA xogaron: Carla O., Mariana D., María T., Rebeca G., Alejandra G., Alejandra M. e Paula R. (líbero). Como reservas estaban Ángela T., Sheila P., Ana B., Cristina F. e Andrea B.

ESTE SÁBADO DÍA 7 CARRUSEL DE ENCONTROS NA CIDADE DA MURALLA:

EMEVE ELIDE - JEALSA BOIRO VOLEIBOL

(10:00h, Casa do Deporte)-(Liga Galega Infantil Masculina)

EMEVE ELIDE - JEALSA BOIRO VOLEIBOL

(10:00h, Casa do Deporte)-(Liga Galega Cadete Feminina)

EMEVE ELIDE - JEALSA BOIRO VOLEIBOL

(10:00h, Casa do Deporte)-(Liga Galega Xuvenil Masculina)

EMEVE ELIDE - JEALSA BOIRO VOLEIBOL

(11:15h, Casa do Deporte)-(Liga Galega Infantil Feminina)

EMEVE ELIDE - JEALSA BOIRO VOLEIBOL

(11:15h, Casa do Deporte)-(Liga Galega Cadete Masculina)

EMEVE ELIDE - JEALSA BOIRO VOLEIBOL

(11:15h, Casa do Deporte)-(Liga Galega Xuvenil Feminina)

EMEVE ELIDE B - REDESYL BOIRO VOLEIBOL

(12:30h, Casa do Deporte)-(2ª Div. Autonómica Masculina)

EMEVE ELIDE B - JEALSA BOIRO VOLEIBOL

(12:30h, Casa do Deporte)-(2ª Div. Autonómica Feminina)

XENTE DO BOIRO VOLEIBOL, FALAMOS CON XAVI FOLGUERA:

Andorrano, catalán, soriano, ibicenco... ¡¡¡UNIVERSAL!!!

Xavi Folguera, coa camisola ibicenca

Xavi Folguera es un joven colocador  andorrano de 25 años, que lleva viviendo el mundo del voley desde muy chico por circunstancias familiares. Su padre fue presidente, fundador, jugador  del club de su tierra. Siendo imberbe todavía, ingresa en la Blume de Barcelona, centro de alto rendimiento deportivo, para profundizar en la especialidad del voleibol como practicante cualificado. Regresa a casa,  y luego de poner en práctica todo lo aprendido en tierras catalanas, defendiendo los colores de Andorra, llama  la atención del Numancia de Soria su buen hacer. Entretanto, también se enreda en el voley playa bajo la enseña de su país  obteniendo campeonatos.

-(Bugallo) Nueva temporada,  ¿nuevo equipo? 

-(Xavi Folguera) Si, jugaré en Ibiza esta temporada. 

-Xavi es andorrano, ¿juegas como extranjero en Superliga? 

-No, juego como español debido a que tengo doble nacionalidad. 

-Andorra, Soria, Ibiza... cada vez más cerca del ecuador,. ¿ buscas temperaturas más cálidas por las circunstancias del voley? 

-¿Soria cálida? Jaja, bueno hay que ser realistas las cosas en España desafortunadamente están muy mal. Me encantaría jugar en el extranjero pero mientras,  hay que elegir bien hasta llegar ahí…. 

EMILIO PALACIO E ADRIÁN ALVES, DESTACADOS NA XORNADA DA SUPERLIGA 2:

O Boiro Voleibol volve a estar de noraboa. Dous dos integrantes do primeiro equipo masculino foron seleccionados para formar parte do equipo ideal da 7ª xornada da categoría de prata do volei español. O central Emilio Palacio e o líbero Adrián Alves son os nomes propios dos afortunados desta semana. Emilio, desempeñando tarefas de central mostrou uns números máis propios dun oposto nun encontro no que se mostrou imparable en ataque. Con 12 puntos de ataque (75% de efectividade), 1 ace e 3 puntos directos de bloqueo foi claramente o mellor do seu equipo no encontro ante o AD Cáceres Extremadura no que foi valorado cun altísimo 7.1. Pola súa parte, Adrián Alves mostrou un 90% de efectividade en recepción, cun 33% en envíos perfectos que o destacan xusto por riba de Óscar Gabas do FC Barcelona. Parabéns aos dous.

SEPTETO IDEAL DA XORNADA, SÁBADO 30-11-2013:

Xa están aquí os destacados da xornada no Boiro Voleibol

Xa está aquí o equipo ideal da semana seleccionado de entre tódalas categorías do Boiro Voleibol. Alá imos. Colocadora, Lea Gatbache: sobresaínte levando a manixa do seu equipo a pesar da súa xuventude e un constante pesadelo para o XAV Cambados dende a liña de saque. Lea foi un dos piares sobre os que se apoiou o terceiro triunfo do JEALSA nesta 8ª xornada da LGXF. Oposto-Colocador, Rubén Martínez: o pequeno da saga dos Martínez brillou con luz propia no encontro que os nosos cadetes gañaron ante os veciños rianxeiros do Mexillón de Ouro. Atínadísimo en saque, intelixente na dirección e efectivo en ataque foi, sen lugar a dúbidas, un dos destacados da xornada. Receptora 1, Sara Castaño: o tino en servicio da rianxeiro axudou de maneira clara a que as nosas xuvenís dominasen o econtro ante as cambadesas convertindo nun seguro de vida para as de Mario Iglesias a súa rotación de saque. Receptor 2, Miguel Vázquez: 14 puntos de ataque (56% de efectividade), 1 bloqueo e un 85 % en recepción son os datos que constatan o gran partido do canteirán ante o AD Cáceres Extremadura. Central 1, Emilio Palacio: espectacular encontro do multiusos do Náutico que lle sirve para entrar no 7 ideal da xornada da RFEVB. 12 puntos de ataque sobre 16 intentos (75%), 1 ace e 3 puntos de bloqueo directo son as credenciais presentadas por Emilio para ser probablemente o mellor xogador da fin de semana. Central 2, Gabriel Seijas: foi o faro en ataque do JEALSA. Contundente dende posición 3 desestabilizou a defensa rianxeira no derbi correspondente á LGCM. Líbero, Felipe Resúa: xa un habitual entre os destacados de cada xornada. A súa presencia dalle un salto de calidade ó novísimo plantel do Redesyl, proba delo o seu excelente encontro ante o Mexillón de Ouro. Atinado en recepción e traballador en defensa Felipe merece o galardón simbólico de figurar unha semana máis no #7idealBoiroVoleibol.

CATRO VITORIAS E DÚAS DERROTAS SON O BALANCE QUE DEIXA ESTA XORNADA:

NÁUTICO BOIRO VOLEIBOL 1-3 AD CÁCERES EXTREMADURA

(25-19, 19-25, 25-27, 21-25)-(Superliga 2 Masculina)

Narciso Abalo ataca contra o altísimo bloqueo extremeño

A cuarta vitoria na SM-2 terá que agardar. Ante case 300 espectadores que abarrotaban unha vez máis A Cachada caía o noso primeiro equipo nun encontro que se deixou escapar no desenlace do 3º set. O choque comezaba cun Náutico pletórico. A confianza na súa construcción facía que pouco puidesen facer os extremeños para deter as ofensivas locais. Emilio Palacio, cunha actuación memorable, conseguía unhas cifras ó alcance de poucos centrais que de seguro o situarán entre os destacados da xornada: 12 puntos de ataque sobre 16 intentos (75%) e 3 bloqueos directos. No segundo set a intensidade local baixou. Os visitantes non perdoaron e da man do canario Kevin Medina (15 pts) e do ex internacional Jesús Montero (16) igualaban a contenda. No 3º set a chispa regresaba a campo branquiazul. A melloría en recepción permitía atopar mellores camiños para anotar. Deste xeito os nosos chegaban por diante a tódolos tempos técnicos (8-4, 16-14, 21-16). Xusto no momento de darlle a puntilla ó set as tornas volveron a virar. Despois de desperdiciar un favorable 23-20 e malgastar 2 balóns de set que situarían o luminoso cun 2-1 que aseguraría un punto máis na clasificación o colocador extremeño J.A. Acedo tiraría de repertorio ó servicio para cerrar a manga cun saque corto extraordinario. Tódolos presentes coñecían xa o guión. A historia de dúas semanas atrás ante a CDV Textil Santanderina repetíase. Retornaban á cancha os de Boiro coa moral moi tocada, factor que aproveitarían á perfección os visitantes para salvagardar os 3 puntos da vitoria. Parabéns Cáceres. Consulta aquí a estadística do choque. Polo Náutico xogaron: Iván S., Narciso A., Cristóbal Á., Miguel V., Emilio P., Jesús V. e Adrián A. (líbero). Como reservas estaban Ismael M., Manuel P., Gustavo R., Antón P. e Adrián A. (2º líbero)

ENCONTROS PROGRAMADOS PARA ESTE SÁBADO 28 NA CACHADA:

JEALSA BOIRO VOLEIBOL - MEXILLÓN DE OURO VB RIANXO

(10:00h, A Cachada)-(Liga Galega Cadete Masculina)

JEALSA BOIRO VOLEIBOL - XAV CAMBADOS

(10:00h, A Cachada)-(Liga Galega Cadete Feminina)

JEALSA BOIRO VOLEIBOL - CV XAV CAMBADOS

(12:00h, A Cachada)-(Liga Galega Infantil Feminina)

JEALSA BOIRO VOLEIBOL - XAV CAMBADOS

(12:00h, A Cachada)-(Liga Galega Xuvenil Feminina)

REDESYL BOIRO VOLEIBOL - MEXILLÓN DE OURO VB RIANXO

(16:00h, A Cachada)-(2ª Div. Autonómica Masculina)

NÁUTICO BOIRO VOLEIBOL - AD CÁCERES EXTREMADURA

(19:00h, A Cachada)-(Superliga 2 Masculina)

EQUIPO IDEAL DO BOIRO VOLEIBOL, XORNADA DO 23 E 24 DE NOVEMBRO:

7 ideal do 23 e 24 de novembro

Difícil elección a desta xornada por mor da gran cantidade de vitorias e actuacións sobresaíntes que colleitaron os nosos equipos nas súas respectivas competicións. Alá imos cos destacados da semana. Colocador, Ismael Martínez: sendo xuvenil de primeiro ano conseguiu suplir con garantías a todo un Iván Souto e colaborar para sacar adiante un encontro na categoría de prata do voleibol español. Si cabe a tarefa cobra maior relevancia tendo en conta que este partido se trataba dun derbi a domicilio ante o Intasa San Sadurniño. Oposta, Isabel Gómez: baluarte en ataque das xuvenís. Isa foi unha das causas polas que o JEALSA mantivo opcións de vitoria ata o desenlace do choque. Receptor 1, Cristóbal Álvarez: con 21 puntos e case un 70% de efectividade en recepción o Diablo foi o pilar sobre o que o Náutico construíu a vitoria no Municipal de San Sadurniño. Outra convocatoria máis e o vigués desmárcase claramente na pelexa polo MVP da temporada no Boiro Voleibol. Receptor 2, Adrián Gatbache: extraordinaria actuación do receptor xuvenil en San Sadurniño. Xa sexa en labores de recepción ou de ataque, Naji estivo moi atinando colaborando activamente na vitoria por 0-3 xuvenil e no serio partido plantexado polo filial masculino. Central 1, Alejandra Galbán: foi o auténtico escape ofensivo das xuvenís no seu encontro ante o CV Santiago. Nun encontro lento, cheo de imprecisións, Alejandra foi un oasis que convertía en punto cada balón que atacaba. Central 2, Óscar Refojo: acertadísimo en ataque e ordeado en bloqueo axudou a crear incertidume na defensa do San Sadurniño Xuvenil e a que o seu equipo tivese moitas oportunidades de contraataque. Líbero, Daniel Olveira: xogador infantil, destacou na posición de líbero na vitoria do xuvenil masculino en terras ferrolás. 

CÓNICAS DE SAN SADURNIÑO, SANTIAGO E OURENSE (23-24 DE NOVEMBRO):

INTASA SAN SADURNIÑO 2-3 NÁUTICO BOIRO VOLEIBOL

(25-21, 16-25, 25-17, 24-26, 11-15)-(Superliga 2 Masculina)

O Náutico supera as baixas e volve coa vitoria de San Sadurniño

A terceira xa está aquí. Nunha cancha sempre complicada como é o xélido Polideportivo Municipal de San Sadurniño, ante un equipo impaciente por conseguir a súa primeira vitoria do ano e con imprevistos tan importantes como as baixas de última hora do colocador Iván Souto e do receptor Manuel Pérez conseguían os boirenses volver coa vitoria a terras  barbanzás, sumando deste xeito o seu terceiro triunfo na categoría de prata do volei español. O encontro comezaba co Náutico atinado, mandando no primeiro tempo técnico por 3-8 e mostrando unha gran fluidez na súa construcción. O servicio de Narciso Abalo e os erros locais por toque de rede permitían que o Náutico arrancase o choque dominando claramente o xogo. A partires de aquí os nosos perderon chispa. Os locais puntuaban con maior puntualidade mentres os de Emilio Palacio cometían erros que os afogaban no luminoso. O 1-0 era inevitable. No segundo parcial as cousas volveron a cambiar. A intensidade no bloqueo-defensa dos de Emilio Palacio colleron o timón do encontro e empataron o choque. No terceiro set os locais mostraron a súa mellor versión. O ex Boiro Voleibol Pablo Suárez e o seu compañeiro no medio da rede ferrolana Juan Montero desetabilizaban á defensa de segunda liña do Náutico, que pouco podería facer para ver como o Intasa se levaba a manga con suma claridade. Cun desfavorable 2-1 e mentalmente tocados pola maneira na que se perdera o 3º os boirenses saltaban á cancha cun baixón anímico considerable. Deste xeito os de Eloy Mahía tomaban distancias no 4º no que parecía ser xa o desenlace do encontro. Unha vez máis co Náutico en pista, o que parece ser non é. Como en datas pasadas a casta branquiazul saíu unha vez máis a relucir para remontar un 20-14 en contra cun Cristóbal Álvarez extraordinario dende a liña de saque. Un bloqueo directo de Narciso Abalo poñería por primeira vez no parcial as táboas no tanteador que finalmente se decantaría de lado do Náutico gracias un ataque de mans-fóra de Miguel Vázquez. No tie-break só houbo un equipo. O Náutico aproveitou a inercia dos momentos precedentes e pechou o encontro cunha gran dirección do colocador xuvenil Ismael Martínez. Consulta aquí a estadística do encontro. Polo Náutico xogaron: Ismael M., Narciso A., Cristóbal Á., Miguel V., Mario I., Emilio P. e Adrián A. (líbero). Como reservas ficaban Daniel V., Jesús V., Antón P., Gustavo R. e Xian P.

SAN SADURNIÑO, SANTIAGO E OURENSE DESTINOS NESTA NOVA XORNADA:

SÁBADO 23:

SAN SADURNIÑO - JEALSA BOIRO VOLEIBOL

(10:00h, PM San Sadurniño)-(Liga Galega Cadete Masculina)

SAN SADURNIÑO - JEALSA BOIRO VOLEIBOL

(12:00h, PM San Sadurniño)-(Liga Galega Xuvenil Masculina)

INTASA SAN SADURNIÑO B - REDESYL BOIRO VOLEIBOL

(17:00h, PM San Sadurniño)-(2ª Div. Autonómica Masculina)

INTASA SAN SADURNIÑO - NÁUTICO BOIRO VOLEIBOL

(19:30h, PM San Sadurniño)-(Superliga 2 Masculina)

DOMINGO 24:

DOMPA GESTIÓN - JEALSA BOIRO VOLEIBOL

(10:30h, PM Os Remedios)-(Liga Galega Cadete Feminina)

CV SANTIAGO - JEALSA BOIRO VOLEIBOL

(12:00h, O Restollal)-(Liga Galega Xuvenil Feminina)

DOMPA GESTIÓN - JEALSA BOIRO VOLEIBOL

(12:00h, PM Os Remedios)-(2ª Div. Autonómica Feminina)

ESCOLA DOMPA GESTIÓN - JEALSA BOIRO VOLEIBOL

(12:30h, A Carballeira)-(Liga Galega Infantil Feminina)

EQUIPO IDEAL DO BOIRO VOLEIBOL. XORNADA DO 16 E 17 DE NOVEMBRO:

As vitorias masculinas ante o Burgas, protagonistas

A sección masculina copa a práctica totalidade do equipo ideal do Boiro Voleibol desta última xornada. As diversas vitorias dos equipos de base na 6ª data das ligas galegas e a excelente actuación do Náutico na Superliga 2 ante a CDV Textil Santanderina son os protagonistas deste novo combinado que a continuación presentamos. Colocador, Iván Souto: 4 puntos de bloqueo, excelente dirección e 2 aces. Esas son as credencias que presenta o santiagués para optar claramente a entrar no equipo ideal. Oposta, Paula Vázquez: a súa excelente actuación ofensiva e dende a liña de saque axudou claramente a que o JEALSA infantil feminino conseguira estrear o casilleiro de vitorias nesta tempada.  Receptor 1, Cristóbal Álvarez: máximo anotador da xornada na Superliga 2 Masculina (21 puntos) e cun magnífico 81% en recepción foi o baluarte sobre o que o Náutico tentou o asalto á vitoria ante un poderosísimo rival. Receptor 2, Pablo Nieto: axudou de maneira clara nas vitorias dos infantís e cadetes ante o Burgas. A contundencia en ataque do receptor do JEALSA foi demasiado para os ourensáns. Central 1, Fran Dieste: 5 puntos de ataque (71% de efectividade) e un bloqueo directo no partido que o Redesyl gañou ante o Burgas por 3-0 son motivos suficientes como para incluir a Fran no 7 ideal. Central 2, Christopher Rodríguez: gran actuación ofensiva que axudou enormemente a que os puntos da vitoria en infantís e cadetes se quedasen en Boiro. Líbero, Felipe Resúa: rozando o 70% de efectividade en recepción e conseguindo 6 defensas positivas sobre 7 intentos Felipe foi un dos piares sobre os que o xoven equipo de Adrián Alves se apoiou para doblegar ó Burgas Volei na 2ª División Autonómica.

CRISTÓBAL ÁLVAREZ MÁXIMO ANOTADOR DA 5ª XORNADA DA SUPERLIGA 2:

Cristóbal (21 pts) mellor artilleiro na categoría de prata

O volei en Boiro segue a escribir a súa historia na elite e así o demostran os feitos recentes que seguen a ter como protagonistas a xogadores do noso club. Cristóbal Álvarez, receptor do Náutico Boiro Voleibol foi o mellor atacante (20 puntos) e máximo anotador (21) da 5ª xornada da Superliga 2 Masculina. Malia a derrota do seu equipo ante a CDV Textil Santanderina a actuación do vigués foi extraordinaria, axudando a manter as opcións de vitoria para os seus ata o final de cada set. Como non podía ser doutra maneira, o "Diablo" forma parte esta semana do 7 ideal que a Real Federación Española nomea en función das estadísticas de cada xornada. Hai que destacar tamén a inclusión do noso colocador Iván Souto no top 3 de mellores bloqueadores da fin de semana con 4 puntos directos. Si queredes repasar a estadística do encontro entre o Náutico e os cántabros podedes facelo premendo neste enlace. Forza Boiro Voleibol.

RESULTADOS DUNHA XORNADA CHEA DE LUCES E SOMBRAS:

NÁUTICO BOIRO VOLEIBOL 1-3 CDV TEXTIL SANTANDERINA

(25-19, 17-25, 27-29, 20-25)-(Superliga 2 Masculina)

Triple bloqueo do Náutico no encontro do sábado

Axustada derrota do primeiro equipo masculino ante un dos equipos fortes desta categoría de prata do volei español. Os cántabros presentaron as súas credenciais na Cachada avalados por xogadores dunha calidade contrastada tales como o central brasileiro Elvis de Oliveira, ex-compañeiro de Pablo Bugallo no CMA Numancia de Soria; o oposto internacional júnior Fran Calzón ou o colocador Pablo Cabrera, antigo xogador do Caravaca murciano da Superliga. O encontro arrancaba co Náutico moi atinado. O altísimo nivel de servicio que estaban a mostrar os de Emilio Palacio impedía que os potentes atacantes visitantes entrasen en escea. Froito desta situación o bloqueo-defensa branquiazul tomou as rendas do set para pechalo con relativa comodidade. Non foi así na segunda manga. A intensidade no xogo dos boirenses baixou considerablemente a medida que a Textil se acomodaba na cancha. Neste momento chegábase á chave do encontro. Nun igualadísimo terceiro set onde os nosos dispuxeron de ata 2 oportunidades de pechalo, os cántabros daban un golpe enriba da mesa e deixaban tocado a un equipo que puido ter un desenlace ben distinto de ter aproveitado as súas oportunidades de ruptura. Cos ánimos locais tocados presentábase un novo panorama de difícil dixestión para os nosos. A irregularidade no xogo branquiazul neste parcial viuse reflexada no tanteador, chegando por diante ó primeiro tempo técnico (8-5) e por detrás ó segundo (10-16). Motivados polo seu orgullo e levados en bolandas polos máis de 300 siareiros que abarrotaron a Cachada a reacción dos boirenses non se fixo esperar, igualando o luminoso no momento decisivo do set. Chegados a este punto foi cando o bloqueo de Elvis de Oliveira decantou a balanza e salvagardou 3 puntos valiosísimos para os seus. Consulta a estadística do encontro aquí. A vindeira semana derbi en San Sadurniño, a preparalo a conciencia. Polo Náutico xogaron: Iván S., Narciso A., Cristóbal A., Gustavo R., Mario I., Emilio P. e Adrián A. (líbero). No banco de suplentes estaban Ismael M., Jesús V., Antón P., Manuel P. e Miguel V.

FIN DE SEMANA REPLETO DE VOLEIBOL NA CACHADA, ¡A DISFRUTAR!

SÁBADO 16:

JEALSA BOIRO VOLEIBOL - CVO DIVINA PASTORA

(10:30h, A Cachada)-(Liga Galega Infantil Feminina)

JEALSA BOIRO VOLEIBOL - VOLEYOURENSE

(10:30h, A Cachada)-(Liga Galega Xuvenil Feminina)

JEALSA BOIRO VOLEIBOL - VOLEYOURENSE

(12:00h, A Cachada)-(Liga Galega Cadete Feminina)

JEALSA BOIRO VOLEIBOL - CALDARIA VOLEYOURENSE

(16:00h, A Cachada)-(2ª Div. Autonómica Feminina)

NÁUTICO BOIRO VOLEIBOL - CDV TEXTIL SANTANDERINA

(19:00h, A Cachada)-(Superliga 2 Masculina)

DOMINGO 17:

JEALSA BOIRO VOLEIBOL - ASESORES VILA CASTRO - BURGAS VOLEI

(10:30h, A Cachada)-(Liga Galega Infantil Masculina)

JEALSA BOIRO VOLEIBOL - ASESORES VILA CASTRO - BURGAS VOLEI

(10:30h, A Cachada)-(Liga Galega Xuvenil Masculina)

JEALSA BOIRO VOLEIBOL - ASESORES VILA CASTRO - BURGAS VOLEI

(12:00h, A Cachada)-(Liga Galega Cadete Masculina)

REDESYL BOIRO VOLEIBOL - ASESORES VILA CASTRO - BURGAS VOLEI

(12:00h, A Cachada)-(2ª Div. Autonómica Masculina)

AMPLA REPRESENTACIÓN DO NÁUTICO NO SEPTETO IDEAL DESTA XORNADA:

O Náutico copa o #7idealBoiroVoleibol desta semana

A segunda vitoria do Náutico na Superliga 2 non pasa desapercibida para nós e ata catro dos seus integrantes formarán no #7idealBoiroVoleibol desta xornada. Colocador, Iván Souto: situando a catro dos seus compañeiros por riba dos 10 puntos, volveu a dar unha lección maxistral de dirección de xogo. Ademais, cos seus 4 aces axudou a desestabilizar a recepción do cvleganés.com. Oposto, Narciso Abalo: co seu máis que aceptable 41% de efectividade en ataque (14 puntos), 2 bloqueos directos e a xeira de servicios que brindou a posibilidade de xogar o tie-break o xogador crucense entra de xeito merecido no equipo ideal, demostrando que semana a semana volve a ser o xogador desequilibrante de antes da lesión. Receptor 1, Cristóbal Álvarez: repetindo unha semana máis gracias ó 93% de recepcións positivas e 52% de perfectas sobre 27 intentos. Polo pundonor e autoconfianza que transmite ó resto do equipo en partidos igualados coma o do sábado merecida a presencia do vigués. Receptor 2, Ana Bugallo: vital a aportación de Ana en recepción, servicio e ataque no encontro que as cadetes venceron ante as veciñas noiesas nunha disputada batalla que se decidiu no 5º set. Central 1, Emilio Palacio: soberbio en ataque (85% de efectividade) contribuíu de maneira directa en poñer a salvo 2 puntos para o seu equipo. Central 2, Laura Olveira: atinada en recepción e bloqueo e moi participativa en ataque destacou por riba das demais na derrota que as infantís sufriron ante o Fisioterapia Cinesia A-Solucións Noia. Líbero, María Triñanes: partido completísimo da líbero de emerxencia que Mario Iglesias adaptou a un esquema repleto de baixas. Sobresaínte en recepción e rapidísima en defensa foi a única luz nun partido cheo de sombras para o noso primeiro equipo feminino.

VITORIA POR 3-2 DO NÁUTICO NA SUPERLIGA 2 NUNHA CACHADA ATEIGADA:

NÁUTICO BOIRO VOLEIBOL 3-2 CVLEGANÉS.COM

(20-25, 23-25, 25-27, 25-22, 15-12)-(Superliga 2 Masculina)

A Cachada vibrou co xogo dos seus

O noso primeiro equipo masculino segue a escribir con letras de ouro a súa travesía pola categoría de prata do voleibol español. Coa baixa por lesión de Jesús Vázquez, nunha Cachada ata a bandeira e cunha afección volcada co seu equipo conseguiron os de Emilio Palacio a súa segunda vitoria consecutiva nesta Superliga 2 Masculina. Na fronte, o cvleganés.com presentaba as súas credenciais da man do receptor Manuel De Amo (21 puntos), do central Juan Villaescusa e do oposto Ramsés Ballesteros, MVP e máximo anotador na 1ª xornada da SM-2. A igualdade foi a tónica do encontro ó longo dos seus 5 sets. Tan só os errores privaron ó Náutico de comezar mandando no encontro, nun primeiro set que se anotaron os madrileños froito das imprecisións dos locais e no que os nosos se mantiveron por diante ata o segundo tempo técnico. O segundo parcial foi de clara cor branquiazul. Apoiados nunha gran recepción e na maxistral dirección de Iván Souto conseguiron os nosos mandar na manga de comezo a fin. No terceiro a igualdade foi máxima. Os dous equipos utilizaban o seu servicio como unha arma de destrucción masiva que facía que o dominio fose alterno. Tan só no desenlace de set puideron os leganenses deixar atrás ós de Boiro, cunha actuación moi destacada do altísimo central Juan Villaescusa que se mostrou imparable en labores ofensivas. A balanza persisitiría equilibrada no 4º xogo. Os ataques, ó igual que no resto do choque, superaban claramente ás defensas. Foi nos momentos quentes, onde se gañan os sets, cando unha xeira espectacular do oposto boirense Narciso Abalo dende a liña de saque perforaba a recepción madrileña, forzando deste xeito o tie-break e dando a posibilidade de seguir pelexando polos 2 puntos en xogo. Desta forma se chegaba ó set definivo. A tensión palpábase no ambiente, mais os nosos non se amilanaron e saíron ó terreo de xogo convencidos de conseguir o triunfo. Era o momento do todo ou nada e os madrileños comezaron máis atinados. Moi precisos en saque e contundentes en bloqueo chegaban por diante (5-8) ó cambio de campo. Foi neste momento cando o bloqueo-defensa boirense marcou a diferencia. Mario Iglesias, paciente buscando a súa oportunidade en bloqueo, fortificou a rede e parou unha e outra vez ós atacantes visitantes que xa non conseguirían facer dubidar ó Náutico de que esta vitoria se quedaba na Cachada. Consulta a estadística do encontro aquí. Polo Náutico xogaron: Iván Souto, Narciso Abalo, Cristóbal Álvarez, Gustavo Romero, Mario Iglesias, Emilio Palacio e Adrián Alves (líbero). Como reservas estaban Ismael Martínez, Fran Dieste, Manuel Pérez, Miguel Vázquez e Antón Pérez.

NOVA XORNADA: A CACHADA ESTRÉASE NA SUPERLIGA 2 MASCULINA. ¡ANÍMATE!

SÁBADO 9:

FISIOTERAPIA CINESIA A-SOLUCIÓNS NOIA - JEALSA BOIRO VOLEIBOL

(11:00h, Alonso Rodríguez)-(Liga Galega Infantil feminina)

FISIOTERAPIA CINESIA A-SOLUCIÓNS NOIA - JEALSA BOIRO VOLEIBOL

(11:00h, Alonso Rodríguez)-(Liga Galega Xuvenil feminina)

FISIOTERAPIA CINESIA A-SOLUCIÓNS NOIA - JEALSA BOIRO VOLEIBOL

(12:30h, Alonso Rodríguez)-(Liga Galega Cadete feminina)

FISIOTERAPIA CINESIA NOIA A-SOLUCIÓNS NOIA - REDESYL BOIRO VB

(18:30h, Alonso Rodríguez)-(2ª Div. Autonómica Masculina)

NÁUTICO BOIRO VOLEIBOL - CVLEGANÉS.COM

(19:00h, A Cachada)-(Superliga 2 Masculina)

DOMINGO 10:

GALITRANS VIAJES EMBAJADOR UDC - JEALSA BOIRO VOLEIBOL

(12:00h, P. Universitario de Elviña)-(2ª Div. Autonómica Feminina) 

IVÁN SOUTO ESPASANDÍN MVP DA 3ª XORNADA DA SUPERLIGA 2 MASCULINA:

Estamos de noraboa. A RFEVB recén acaba de publicar na súa web que o colocador do noso primeiro equipo masculino é o xogador máis valioso da 3ª xornada da Superliga 2. Con 7 puntos, Iván foi o 4º máximo anotador do Náutico na súa vitoria na cidade condal ante o FC Barcelona. Ademais, o colocador santiagués conseguíu que tres dos seus compañeiros superasen a decena de puntos certificando o 45% de acertos ofensivos ó longo dos cinco sets disputados. En definitiva, obra mestra de dirección. A esta boa nova súmase tamén a inclusión do central Mario Iglesias no septeto ideal da xornada, avalado polos 5 bloqueos e pola sua actuación en ataque ante os culés. Na lista de mellores receptores (3º) tamén entrou Cristóbal Álvarez cun 71% de eficacia e 14 puntos que axudaron na primeira vitoria do Náutico na categoría de prata do volei español. ¡Parabéns campións!

SEPTETO IDEAL DO BOIRO VOLEIBOL. XORNADA DO 2-11-2013:

Náutico, Xuv. Masc. e Cadete Fem. protagonistas no septeto

O 7 ideal do Boiro Voleibol desta semana xa está aquí. Os destacad@s da xornada son: colocadora, Lea Gatbache: gran actuación da directora de orquesta cadete no encontro xuvenil no que as nosas visitaron a cancha do Zalaeta. A pesar da derrota Lea destacou polo seu descaro á hora de elixir a mellor opción de ataque para o seu equipo. Oposta-Colocadora, Paula Vázquez: clara protagonista na primeira vitoria da temporada para o noso equipo cadete feminino. Atinadísima en ataque e intelixente na construcción foi un dos piares no triunfo do JEALSA sobre o Club Vigo Voleibol. Receptor 1, Cristóbal Álvarez: espectacular o encontro do vigués ante o FC Barcelona. Foi o puntal sobre o que os de Emilio Palacio apoiaron todo o seu xogo ofensivo na visita á cidade condal, da que o "Diablo" se levou máis dunha trintena de puntos rozando o 50% de efectividade en ataque. Receptor 2, Xian Pérez: notable actuación a do pequeno dos irmáns Pérez no Municipal de Dumbría para axudar a manter invicto ó equipo xuvenil masculino na LGXM. Contundencia en ataque e acerto en recepción son os atributos que outorgan a Xian a presencia neste equipo ideal. Central 1, Mario Iglesias: superando amplamente a decena de puntos nos dous choques que o Náutico disputou a pasada fin de semana, o rianxeiro asegurouse un posto de privilexio no 7 da xornada. Foi un auténtico pesadelo en bloqueo para os atacantes do FC Barcelona, que viron como ata 5 veces os seus remates se estrelaban na muralla do Náutico. Central 2, Lois Vázquez: a velocidade e o seu tempo de ataque fai de Lois un central difícil de parar para os rivais. Único xogador que repite convocatoria respecto ó septeto da semana pasada. Xa temos dominador na carreira polo MVP da temporada. Líbero, Irea Triñanes: rapídisima de reflexos e cunha predisposición defensiva óptima, a súa aportación foi determinante na estrea do casilleiro de triunfos das cadetes en Vigo.

A PRIMEIRA VITORIA DO NÁUTICO EN SM-2, PROTAGONISTA DA XORNADA:

FC BARCELONA 2-3 NÁUTICO BOIRO VOLEIBOL

(25-23, 25-20, 23-25, 17-25, 12-15)-(Superliga 2 Masculina)

Destacadísima actuación de Cristóbal  en Barcelona

O 3 de novembro do 2013 será recordado por todos nós como o día no que o Náutico conseguíu a súa primeira vitoria na Superliga 2. Nunha praza esixente e ante un complicadísimo rival lograron os de Emilio Palacio estrear o seu casilleiro particular de vitorias nesta categoría de prata do volei español. Custoulles ós boirenses coller o pulso ó choque e as circunstancias non axudaban en absoluto. Escasos minutos despois do arranque Narciso Abalo tiña que abandoar a cancha do Parc Esportiu de Llobregat por unhas molestias no seu nocello. A pesar de todo a igualdade non abandoaría o luminoso ata ben avanzado o parcial onde o altísimo bloqueo catalán marcaba a diferencia e fortificaba o seu campo para poñerse por diante no encontro. A flamante fichaxe do FC Barcelona procedente do Vikingos de Miranda, o central venezolano Carlos Vegas, mailo seu compañeiro de posición Jordi Marcé (ex-Voleibol Andorra) tomaban as rendas do seu equipo mostrándose imparables na rede. No segundo set os boirenses tomaban a iniciativa chegando por diante ós dous primeiros tempos técnicos (7-8 e 15-16). Foi neste momento cando os erros condeaban ós branquiazuis, que chegaron a mandar no luminoso por 18-20, poñendo no marcador un 2-0 que semellaba definitivo. Nada máis lonxe da realidade. Os boirenses conxuráronse entre set e set e volveron ó terreo de xogo dispostos a revertir a situación. Como si de maxia se tratase o xogo dos nosos encheuse de alegría e pundonor. Froito dunha melloría extraordinaria en saque e cun estelar Cristóbal Álvarez (13 puntos) conseguiron os de Boiro o punto de inflexión desexado. Os altos centrais cataláns xa non puntuaban con facilidade e pouco a pouco o ritmo da maquinaria branquiazul foi demasiado para un FC Barcelona que nada puido facer ante o aluvión galego. Polo Náutico xogaron: Iván Souto, Narciso Abalo, Cristóbal Álvarez, Manuel Pérez, Emilio Palacio, Mario Iglesias e Adrián Alves (líbero). Tamén xogaron Jesús Vázquez, Antón Pérez, Gustavo Romero e Miguel Vázquez.

CHEGA A 4ª XORNADA DAS LIGAS GALEGAS CUN OLLO POSTO EN BARCELONA:

XOVES 31:

CLUB VIGO VOLEIBOL - JEALSA BOIRO VOLEIBOL

(12:00h, PM de Coia)-(Liga Galega Cadete Feminina)

JEALSA BOIRO VOLEIBOL - XUVENIL TEIS

(16:00h, A Cachada)-(Liga Galega Xuvenil Feminina)

SÁBADO 2:

MANUELA RIAL MOUZO - JEALSA BOIRO VOLEIBOL

(10:00h, PM Dumbría)-(Liga Galega Infantil Masculina)

VOLEIBOL DUMBRÍA - JEALSA BOIRO VOLEIBOL

(10:00h, PM Dumbría)-(Liga Galega Xuvenil Masculina)

VOLEIBOL DUMBRÍA - JEALSA BOIRO VOLEIBOL

(11:30h, PM Dumbría)-(Liga Galega Cadete Masculina)

MANUELA RIAL MOUZO - JEALSA BOIRO VOLEIBOL

(11:30h, PM Dumbría)-(Liga Galega Infantil Feminina)

ZALAETA - JEALSA BOIRO VOLEIBOL

(11:30h, Pav. Instituto Zalaeta)-(Liga Galega Xuvenil Feminina)

ZALAETA - JEALSA BOIRO VOLEIBOL

(16:00h, PM Barrio de las Flores)-(2ª Div. Autonómica Feminina)

CV AA LLARS MUNDET - NÁUTICO BOIRO VOLEIBOL

(16:30h, Pavelló Municipal de Carmel)-(Superliga 2 Masculina)

DOMINGO 3:

F.C. BARCELONA - NÁUTICO BOIRO VOLEIBOL

(12:30h, Parc Esportiu Llobregat)-(Superliga 2 Masculina)