xoves, 28 de febreiro de 2013

SÁBADO MOVIDIÑO NA CACHADA. ¡NON PODE FALLAR NINGUÉN!

REYCA BOIRO VOLEIBOL - BURGAS VOLEI
(10:00h, A Cachada)-(Liga galega infantil masculina)

TRILLIZOS BOIRO VOLEIBOL - BURGAS VOLEI
(10:00h, A Cachada)-(Liga galega xuvenil masculina)

INGENIERÍA TRAZOS BOIRO VOLEIBOL - AD A PINGUELA
(10:00h, A Cachada)-(Liga galega cadete feminina)

NAVALES CHICOLINO BOIRO VOLEIBOL - AD A PINGUELA
(12:00h, A Cachada)-(Liga galega infantil feminina)

O SECRETO BOIRO VOLEIBOL - AD A PINGUELA
(12:00h, A Cachada)-(Liga galega xuvenil feminina)

REDESYL BOIRO VOLEIBOL - BURGAS VOLEI
(12:00h, A Cachada)-(2ª Div. Autonómica masculina)

NÁUTICO BOIRO VOLEIBOL - UNIVERSIDADE DE BURGOS
(18:00h, A Cachada)-(1ª Div. Nacional masculina)

martes, 26 de febreiro de 2013

XENTE DO BOIRO VB: MARÍA CORTÉS, RESPONSABLE NA RELACIÓN COS MEDIOS

María Cortés, unha das nosas
“ O feito de ter xente preparada…axuda a evitar lesións“

María Cortés Ayaso. Ribeirense de nacemento con raices en Boiro, concretamente no Cabo da Cruz, berce do Boiro Voleibol. Estudou para médico de familia en Compostela. Actualmente médico de urxencias no Hospital Clínico de Santiago. É a vixiante  da saúde neste club, cando alguén cae mancado ahí está María para socorrer. Unha das  mulleres que compoñen a actual xunta directiva. Desempeña a función de portavoz nas relacións coa prensa.


-(Bugallo) María tamén xogou no Boiro Voleibol?
-(María) Por desgracia non. Desde pequena sempre fun alta, o que fixo que en moitas ocasións os adestradores da miña zona de baloncesto quixeran que fora a entrenar, pero nunca me chamou. No colexio descubrín o voleibol, e encantoume, e xogaba nos momentos de pausa e algún día na praia. Pero tiven unha lesión no nocello dereito, o que me apartou das prácticas deportivas, antes de coñecer a Andrés e o clube, polo que nunca xoguei oficialmente.

domingo, 24 de febreiro de 2013

DÚAS VITORIAS E CATRO TROPEZOS NA VIAXE DOS NOSOS EQUIPOS A TEIS:

XUVENIL TEIS 3-0 NAVALES CHICOLINO BOIRO VOLEIBOL
(25-12, 25-19, 25-22)-(Liga galega infantil feminina)

O Navales Chicolino segue coa súa adaptación á categoría
Tal e como se resume nos parciais foi un encontro no que as de Andrés Martínez foron de menos a máis ante un complicado rival como sempre son as rapazas do Xuvenil Teis vigués. A indecisión das novas xogadoras do Navales Chicolino en diferentes facetas do xogo como a recepción e a defensa complicaba balóns que aparentemente non entrañaban perigo algún. O servicio rival complicaba moito a tarefa das nosas e tan só co empuxe das veteranas Emma Ordóñez e Lea Gatbache se podía facer dubidar por momentos as aspiracións locais. O equipo segue a traballar duramente para adaptarse o máis rápido posible a un sistema de xogo que lles resulta novidoso e que de seguro que lles dará resultados positivos nesta súa andaina na liga galega. Paciencia, traballo diario e disciplina son os ingredientes desta receita que lles axudará ás nosas a perder ese "medo" a errar. Navales Chicolino: Emma O., Lea G., Ada V., Laura O., Irea T. e Marta S. Tamén xogaron Paula V., Luciana V., Lía V. e Vera.

XUVENIL TEIS 3-0 INGENIERÍA TRAZOS BOIRO VOLEIBOL
(25-18, 25-16, 25-11)-(Liga galega cadete feminina)

As baixas marcan o encontro das cadetes
Complicado encontro o que se lles presentaba ás xogadoras do Ingeniería Trazos Boiro Voleibol que, ás xa sabidas baixas da receptora Ana Bugallo e da líbero Ángela Alves sumábaselle a última hora a da colocadora Claudia Pinaque, lesionada minutos antes no quecemento do encontro xuvenil. Con tan só dúas xogadoras en idade cadete na pista o partido non tivo máis historia que a de ver ata onde podían chegar as nosas xogadoras máis novas. Boas sensacións as que transmitiron as nosas xogadoras infantís que pouco puideron facer ante a gran diferencia de centímetros na rede. Tras este tropezo as cadetes permanecen en plena loita por evitar o descenso de categoría marchando 11ª na táboa clasificatoria igualadas a vitorias co Fisioterapia Cinesia Noia e a tiro de pedra do CV Pontevedra. Polo Ingeniería Trazos xogaron: Lea G., Emma O., Antía S., Sara L., Irea T. e Paula V. Como reservas agardaba a súa oportunidade Ada V.

XUVENIL TEIS 3-0 O SECRETO BOIRO VOLEIBOL
(25-19, 25-5, 25-5)-(Liga galega xuvenil feminina)

O Secreto cae en Vigo por 3-0
Contundente derrota do noso equipo xuvenil feminino na súa visita ó PM de Teis para medirse ó 5º clasificado da liga galega. Comezaron o encontro as nosas cun xogo favorecido por un servicio de calidade e por unha boa defensa, factores que levaron o tanteador a un 12-12 no ecuador da manga e permitían ser optimistas co futuro desenlace do encontro. A partires de ahí, a superioridade en ataque das xogadoras locais fixo que se levaran con autoridade o set inicial. De aquí en adiante o encontro só tivo unha cor. Os innumerables erros non forzados das nosas tanto en recepción coma en ataque provocou que o encontro fose un plácido viaxe para o Xuvenil Teis. As de Emilio Palacio e Narciso Abalo marchan na 7ª praza igualadas coas 6ª (Calasancias Coruña), rival co que aínda teñen que disputar o encontro de volta como locais. A vindeira semana a potente Agrupación Deportiva A Pinguela visitará A Cachada. Toca traballar a reo. O Secreto: Sara B., Sheila P., Melissa N., Isa G., Alejandra G., Katy S. e Sheila O. (líbero). Tamén xogaron Andrea D., Sara L. e Antía S.

XUVENIL TEIS 2-3 REYCA BOIRO VOLEIBOL
(19-25, 25-16, 20-25, 26-24, 7-15)-(Liga galega infantil masculina)

Os infantís fanse maiores en Vigo
Non por axustada deixa de ser merecida a vitoria do infantil masculino neste encontro que enfrontaba ós de Adrián Alves ó 3º clasificado da liga regular. O encontro comezaba co Reyca moi enchufado. A excelente dirección de Rubén Martínez dende o posto de colocador permitía ós atacantes branquiazuis sumar tantos sin que a defensa rival tivese opción de rescatar balóns. Este feito, sumado á alta porcentaxe en acerto dende a liña de saque permitía poñer a primeira pedra da vitoria por 19-25. Na segunda manga as cousas cambiaron. Os vigueses comezaron a facer tremer a recepción boirense cun potente saque inxectando de previsibilidade cada remate dos nosos que ía parar a brazos contrarios. Non desaproveitou o Xuvenil Teis as súas opcións de contraataque e pechou o set que igualaba o encontro. No 3º e 4º xogo a igualdade foi a máxima protagonista no PM de Teis. Olívicos e barbanzanos intercambiaban xeiras de servicio e grandes accións de bloqueo-defensa para animar a un numeroso xentío que se congregaba nas bancadas. Como non podía ser doutra maneira o servicio regalaría cadanseu parcial a cada equipo e levaría o partido a un desenlace de infarto. Chegados a este punto o Reyca enfundouse o mono de traballo e cunha gran actuación defensiva levaba os dous puntos ó seu casilleiro. No Reyca formaban: Rubén M., Álvaro P., Christopher R., Daniel O., Darío O. e Pablo N. Tamén xogaron Gabriel S., Álex V. e Manuel T.

XUVENIL TEIS 2-3 TRILLIZOS BOIRO VOLEIBOL
(23-25, 25-23, 28-26, 20-25, 10-15)-(Liga galega xuvenil masculina)

Remontada do Trillizos e ascenso á 3ª praza
Agónico triunfo do Trillizos nun encontro non apto para cardíacos que se tivo que resolver no tie-break. O encontro comezaba cos nosos atenazados vítimas da responsabilidade que cargaban ás súas costas. Só o paso dos puntos lles permitiría ós de Adrián Alves soltar lastre e comezar a xogar, eso si, sin chegar a mostrar a súa mellor versión. O acerto en ataque dos xogadores de banda do Trillizos poñería por diante no luminoso ós nosos no que parecía o estímulo perfecto para rematar coa presión inicial que padeceran. Non foi así e o encontro continuaba con moito sufrimento para os nosos. Vigueses e boirenses turnábanse en tandas de bo xogo, o que auguraba un desenlace moi axustado deste segundo set. Dito e feito, tan só os pequenos detalles decidirían un parcial no que unha pelota que se paseou pola rede e se precipitou directamente ó firme do campo boirense sería chave para o empate do Xuvenil Teis. Co encontro sometido a unha igualdade máxima chegábase á terceira manga. Ésta foi de dominio branquiazul ata mediada a mesma. O bloqueo boirense facía acto de presencia por primeira vez na tarde no PM de Teis presaxiando o que ocorrería minutos máis tarde. Fran Dieste e Alfonso Rey erixíronse nos muros do Trillizos parando con contundencia ós atacantes locais. Máis alá do ecuador da manga o nivel dos nosos caíu e desaproveitando 2 opcións de pechar o set con sendos erros de saque regalaron en bandexa de prata o triunfo parcial ós branquivermellos. Co desfavorable 2-1 a conxura era clara: vaciarse para tentar sacar algo positivo desta visita. O estado anímico do Trillizos mellorou e cunha excelente actuación en bloqueo-defensa á que agora se unían tamén Adrián Outeiral e Lois Vázquez remontaban o encontro e conseguían dous puntos máis que lles permiten colocarse 3º na liga galega igualados a puntos cos 2º (EMEVE). Trillizos: Ismael M., Fran D., Lois V., Alfonso R., Xian P., Adrián O. e Abel S (líbero). Tamén xogaron Daniel V., Óscar R. e Dani G.

XUVENIL TEIS 3-0 REDESYL BOIRO VOLEIBOL
(25-14, 25-14, 25-17)-(2ª Div. Autonómica masculina)

O Redesyl cae vítima dos seus erros non forzados
Clara derrota do noso equipo filial masculino nun encontro no que os boirense se desprazaban cara o sur de Galicia coas baixas de xogadores tan importantes como Xavier Sarille e Antón Pérez. O Xuvenil Teis, equipo cunha orde táctica defensiva extraordinaria, non permitíu ós de Adrián Alves atoparse cómodos na pista en ningún momento do choque. Pódese dicir que os tres sets foron cortados por un mesmo patrón. Especial mención merece o pouco tino que mostraron os atacantes do Redesyl en tarefas ofensivas, cometendo numerosos erros que minaban a moral do equipo ó tempo que os vigueses, como tren que circula sereno pola vía, se achegaban cada vez máis a un claro triunfo que non perigou nunca. Tras esta derrota os nosos seguen pechando a clasificación da 2ª división con 4 puntos no seu tanteador e os olívicos afiánzanse na 4ª praza. Polo Redesyl Boiro Voleibol xogaron: Daniel V., Diego R., Miguel L., Dani G., Alén G., Adrián A. e Juan O. (líbero). Tamén xogaron Rubén T. e Óscar R.

mércores, 20 de febreiro de 2013

NOVA XORNADA, VISITA MASIVA ÓS EQUIPOS DO XUVENIL TEIS:

XUVENIL TEIS - NAVALES CHICOLINO BOIRO VOLEIBOL
(16:00h, PM de Teis)-(Liga galega infantil feminina)

XUVENIL TEIS - REYCA BOIRO VOLEIBOL
(16:00h, PM de Teis)-(Liga galega infantil masculina)

XUVENIL TEIS - O SECRETO BOIRO VOLEIBOL
(16:00h, PM de Teis)-(Liga galega xuvenil feminina)

XUVENIL TEIS - INGENIERÍA TRAZOS BOIRO VOLEIBOL
(18:00h, PM de Teis)-(Liga galega cadete feminina)

XUVENIL TEIS - REDESYL BOIRO VOLEIBOL
(18:15h, PM de Teis)-(2ª Div. Autonómica masculina)

XUVENIL TEIS - TRILLIZOS BOIRO VOLEIBOL
(20:00h, PM de Teis)-(Liga galega xuvenil masculina)

sábado, 16 de febreiro de 2013

UNHA FORTE APERTA PARA UNHA DAS NOSAS: ¡ÁNIMO SANDRA!

O volei boirense está contigo. ¡Ánimo colocadora!
En nome de toda a nosa familia, que tamén é a súa, enviar desde aquí unha calurosa aperta á ex-colocadora do Boiro Voleibol Sandra Lojo que estes días está a pasar por un pequeno bache de saúde e permanece baixo vixianza médica no Hospital Comarcal do Barbanza. Con numerosas aparicións nas convocatorias da selección galega cadete e medallista de prata no Campionato de España Sub-19 no ano 2009 formando parella coa tamén boirense Rebeca González chegou a ser un dos referentes do volei da nosa vila e colaborou directamente nos éxitos da Federación Galega de Voleibol nos últimos tempos. Por todos é coñecido o espírito competitivo de Sandra e, de seguro, que neste novo partido que se lle presente lle axudará a conseguir unha nova vitoria que sirva para seguir ampliando o seu extenso palmarés. Ánimo Sandra, o Boiro Voleibol está contigo e cos teus. ¡Apertas!

RESULTADOS DOS ENCONTROS FEMININOS CONTRA VOLEYOURENSE:

NAVALES CHICOLINO BOIRO VB 0-3 CVO-TITO HEIDELBERG PELUQUEROS A
(12-25, 14-25, 18-25)-(Liga galega infantil feminina)

INGENIERÍA TRAZOS BOIRO VOLEIBOL 1-3 VOLEYOURENSE
(11-25, 19-25, 25-21, 20-25)-(Liga galega cadete feminina)

As cadetes "roubáronlle" un set ó líder da liga galega
Derrota das cadetes por 1-3 nun encontro no que o líder da categoría (Voleyourense) chegaba á Cachada cunha extraordinaria vagaxe de 16 vitorias en 16 encontros e tan só 8 sets cedidos no que vai de tempada. O servicio das visitantes condicionaba totalmente o encontro no seu arranque. As de Emilio Palacio e Narciso Abalo non conseguían desartellar a efectividade das canoneiras ourensás e vían como de contado o primeiro set se poñía moi costa arriba. Os apuros das boirenses na recepción mermaba considerablemente a súa construcción de ataque e pouco se podía facer para salvar a primeira manga. O segundo xogo continuaba polos mesmos derroteiros. Presión das de Pablo Pérez dende a liña de saque, dificultades na construcción das nosas e tino no contraataque visitante froito dunha traballadísima defensa. Tan só unha xeira en servicio da receptora local Ana Bugallo maquillou un xogo con claro dominio visitante no que unha das súas receptoras e a súa oposta campearon as súas anchas na pista central da Cachada. No terceiro as cousas cambiaron. A efectividade dende os 9 metros viaxou agora a campo boirense para complicar en varias rotacións a saída do ataque do Voleyourense. A igualdade mantívose ata aproximadamente o 20-20 onde un bloqueo directo e unha gran xeira de servicios de Emma Ordóñez permitíalles ás branquiazuis recurtar distancias no tanteador xeral. Con folgos renovados afrontábase un novo set no que semellaba que a sorpresa se podía dar. Foi a partires da metade do mesmo onde as visitantes, facéndose fortes no que mellor saben facer (contraataque), conseguiron unh vantaxe que a posteriori sería definitiva. Polo Ingeniería Trazos xogaron: Claudia P., Lea G., Ana B., Emma O., Sara L., Antía S. e Ángela A. (líbero). Tamén xogaron Paula V., Irea T., Lía V. e Marta S.

O SECRETO BOIRO VOLEIBOL 0-3 VOLEYOURENSE
(16-25, 22-25, 16-25)-(Liga galega xuvenil feminina)

As xuvenís perecen ante o servicio do Voleyourense
Trala dura derrota do pasado luns en terras ourensás ante o Dompa o estado anímico das nosas xuvenís sometíase a un esixente exame no que o 3º clasificado desta liga galega xuvenil feminina desembarcaba na Cachada xogándose parte da súa presencia no play-off da competición autonómica. A ausencia da líbero Sheila Outeiral por decisión técnica foi unha baixa que a recepción branquiazul pagou demasiado cara. O nivel de saque das visitantes era moi uniforme en tódalas súas xogadoras e a concentración da liña de recepción boirense debía ser moi constante si se quería ter opción a pelexar polo encontro. Non foi así e tan pronto o Voleyourense conseguía enlazar varias accións positivas en servicio de xeito consecutivo a moral das de Emilio Palacio e Narciso Abalo caía en picado para minar a súa confianza. Tan só no segundo parcial conseguiron as nosas inquedar ás visitantes. A colocadora Sara Bugallo atopaba a senda da eficacia nas súas atacantes demostrando ás ourensás que o potencial das barbanzanas era moi superior ó que se vira ata o momento. Chegados ó momento quente do parcial os erros no servicio de O Secreto desequilibraría a balanza e situaría a segunda pedra para a vitoria visitante. O terceiro e derradeiro foi un calco do primeiro. Dificultades das nosas para elaborar xogo froito dun saque moi molesto e dominio das da cidade das burgas apoiándose no seu contraataque. Esta derrota deixa ás nosas 6ª na táboa clasificatoria con 26 puntos. Por parte de O Secreto Boiro Voleibol xogaron: SaraB., Emma O., Ana B., Melissa N., Alejandra G. e Katy S. Tamén xogaron Claudia P., Isa G., Andrea D., Sheila P. e Antía S.

xoves, 14 de febreiro de 2013

SÁBADO 16: XORNADA NA CACHADA CON TAN SÓ 3 PARTIDOS. ¡IMOS RAPAZAS!

INGENIERÍA TRAZOS BOIRO VOLEIBOL - VOLEYOURENSE
(10:30h, A Cachada)-(Liga galega cadete feminina)

NAVALES CHICOLINO BOIRO VB - CVO-TITO HEIDELBERG PELUQUEROS A
(12:00h, A Cachada)-(Liga galega infantil feminina)

O SECRETO BOIRO VOLEIBOL - VOLEYOURENSE
(12:00h, A Cachada)-(Liga galega xuvenil feminina)

martes, 12 de febreiro de 2013

CRÓNICAS DUNHA ATÍPICA XORNADA DE VOLEIBOL EN LUNS:

ESCOLA MUN. OURENSE-DOMPA 3-0 NAVALES CHICOLINO BOIRO VOLEIBOL
(25-12, 25-21, 25-16)-(Liga galega infantil feminina)

O Navales Chicolino non pode co Dompa como local
Contundente derrota a encaixada polo Navales Chicolino neste desprazamento a Ourense para medirse á Escola Municipal Ourense-Dompa nun choque que decidiría que equipo ía ocupar o faroliño vermello da liga galega infantil. Ó igual que o sábado anterior, a baixa porcentaxe de acerto en saque condearía ás de Andrés Martínez a un inevitable tropezo na cidade das burgas. O equipo rival, cun maior dominio no seu servicio dominaba un xogo ante o que as nosas cativas nada podían facer para evitar a derrota. Paciencia, compromiso e moito traballo son os mellores ingredientes para cociñar esta receita que recén acaba de botar a andar. Que ninguén esqueza que estamos ante un equipo con moita progresión formado por un gran número de xogadoras de primeiro ano. O día a día manda rapazas, moito ánimo. Polo Navales Chicolino xogaron: Marta, Lea, Ada, Emma, Laura Olveira e Laura Piñeiro. Agardaban a súa oportunidade Paula, Vera, Luciana e Irea.

IES AS LAGOAS SAN MARTIÑO DOMPA 3-1 O SECRETO BOIRO VOLEIBOL
(22-25, 25-21, 25-20, 25-22)-(Liga galega xuvenil feminina)

A carreira por voltar ás boas sensacións comeza... ¡XA!
Unha semana máis non conseguen as de Emilio Palacio mostrar a súa mellor versión e padecen un inesperado tropezo ante o derradeiro clasificado desta liga galega xuvenil nun encontro que, a priori, se tiña que saldar cun resultado positivo para as nosas. A falta de ambición e motivación e unha apatía fóra do normal por parte de O Secreto poñía en bandexa a vitoria a un equipo que conseguía o seu segundo triunfo da tempada 2012-2013. Tras este tropezo as branquiazuis quedan un pouco descolgadas do grupo de cabeza e dos 4 postos que dan dereito a pelexar pola hexemonía do volei xuvenil en Galiza no play-off desta competición. Os seus 25 puntos sitúan ó Secreto na 6ª praza. Deberán recurrir as boirense ó mono de traballo e demostrarlle ó seu preparador que queren desquitarse ante esta situación e volver á senda do bo xogo que lles permita volver a disfrutar deste deporte. Por O Secreto Boiro Voleibol xogaron: Sara Bugallo, Emma Ordóñez, Ana Bugallo, Melissa Novoa, Katy Sampedro, Alejandra Galbán e Sheila Outeiral (líbero). Como reservas estaban Sheila Pouso, Andrea Davila e Isa Gómez.

sábado, 9 de febreiro de 2013

RESULTADOS DA XORNADA DE ENTROIDO. O NÁUTICO MÁIS LÍDER:

 MANUELA RIAL MOUZO 3-0 NAVALES CHICOLINO BOIRO VB.
(25-18, 25-18, 25-14)-(Liga galega infantil feminina)

As infantís seguirán traballando para tomarlle o pulso á galega
Derrota por 3-0 das máis pequenas do Boiro Voleibol ante un rival directo que non desaproveitou a inoperancia en servicio do Navales Chicolino para poñer terra de por medio entre ámbolos dous conxuntos na clasificación da competición autonómica feminina. As dificultades que atravesaron as boirenses co seu saque facían imposible que as de Andrés Martínez lograran puntuar máis dunha vez por cada rotación, situación que nun encontro destas idades adoita a traducirse nun resultado adverso. A disposición do Manuela Rial eincaixou á perfección nun encontro feito á súa medida. As locais non desaproveitaron as oportunidades ofrecidas polas nosas e, pelexando con intensidade cada balón, conseguiron deixar na casa os dous puntos dunha vitoria que lles sabe moi ben e que sitúan ás boirenses pechando a táboa igualadas a puntos co Escola Municipal Ourense-Dompa. Polo Navales Chicolino xogaron: Paula, Lea, Marta, Irea, Emma e Lía. Tamén xogaron: Luciana, Ada, Laura, Laura e Vera.

VOLEIBOL DUMBRÍA 0-3 INGENIERÍA TRAZOS BOIRO VOLEIBOL
(17-25, 17-25, 14-25)-(Liga galega cadete feminina)

As cadetes pelexarán por manter a categoría ata o final
Vital triunfo en tres sets das rapazas ás ordes de Emilio Palacio ante un rival directo da parte baixa da clasificación desta liga galega cadete feminina. Coa intención de escapar na medida do posible do descenso de categoría afrontaban as nosas un encontro no que a presión do servicio xogaría, a posteriori, un papel fundamental no resultado do choque. A regularidade de tódalas xogadoras boirenses dende a liña de saque encarrilaría un partido no que as locais non conseguían atopar a maneira de construir o seu xogo. Con esta vitoria o Ingeniería Trazos (11ª) aventaxa ás dumbrienses  na táboa clasificatoria en tres puntos e iguala ó CV Pontevedra e ó Fisioterapia Cinesia Noia (9ª e 10ª respectivamente) con 21 puntos no seu casilleiro. Polo Ingeniería Trazos Boiro Voleibol xogaron: Claudia Pinaque, Lea Gatbache, Ana Bugallo, Emma Ordóñez, Sara Lojo, Antía Sampedro e Ángela Alves (líbero). Tamén xogaron as infantís Lía Villar e Irea Triñanes.

MANUELA RIAL MOUZO 3-0 REYCA BOIRO VOLEIBOL
(25-21, 25-18, 25-18)-(Liga galega infantil masculina)

Boa actuación do Reyca na casa do líder
Difícil empresa a que afrontaban os de Adrián Alves nesta visita ó actual líder da liga galega. Os boirenses mostraron unha moi boa actuación dominando por momentos o xogo. No arranque do choque o Reyca tomou as rendas apoiándose no atinado ataque dos seus centrais Christopher e Dani e dos seus receptores Darío e Pablo. Tan só o servicio dumbriense puido recuperar para os seus un tanteador que ata o momento dominaban os nosos (3-4 puntos). O segundo e terceiro set foron dúas copias. O Reyca tentaba de facer fronte ó servicio local pero a efectividade nesta faceta do Manuela Rial fixo imposible a reacción boirense. O encontro significou unha experiencia moi positiva para o grupo, plantando cara ó dominador da competición e permitindo ser optimistas en torno ó futuro deste equipo no que case que a totalidade dos seus xogadores son de primeiro ano. O Reyca formaba con: Rubén M., Álvaro P., Darío O., Pablo N., Christopher R. e Daniel O. Tamén xogaron Gabriel S., Álex V., Adrián F. e Manu T.

VOLEIBOL DUMBRÍA 1-3 TRILLIZOS BOIRO VOLEIBOL
(23-25, 22-25, 25-22, 16-25)-(Liga galega xuvenil masculina)

O Trillizos regresa con dous valiosísimos puntos de Dumbría
Segunda vitoria consecutiva dos rapaces que dirixe Adrián Alves que lles permite seguir pelexando por xogar os play-off. Coas baixas do central Alfonso R. e do receptor Dani S. chegaba o Trillizos a Dumbría coa intención de non perder comba cos equipos da parte alta da táboa. O atenazamento e nerviosismo dos nosos fixo que, por momentos, os dumbrienses ameazasen a integridade do casilleiro boirense. A gran aportación de Xian P., tanto en ataque como en recepcicón, axudou a encamiñar o encontro nos momentos complicados. Cando o Voleibol Dumbría conseguíu recurtar distancias foi realmente cando os nosos mostraron a súa mellor versión. A presión co servicio por parte de Isma e Fran axudou a que a defensa do Trillizos, na que destacou Adrián G., se situara correctamente e abrir así fenda no luminoso gracias a un notable contraataque. Polo Trillizos xogaban: Ismael M., Fran D., Xian P., Adrián G., Óscar R., Lois V. e Abel S. (líbero). Tamén xogaron Daniel V., Dani G. e o debutante Félix R.

NÁUTICO BOIRO VOLEIBOL 3-0 COLLADO VILLALBA (Madrid)
(25-18, 25-18, 25-20)-(1ª Div. Nacional masculina)

O bloqueo boirense loce as súas mellores galas
O Náutico aférrase a esta liga e , por terceiro ano consecutivo, clasifícase para a fase de ascenso á Superliga 2 do voleibol español. Nesta tarde de sábado, e diante da súa afección, conseguían os de Emilio Palacio unha traballada vitoria ante un rival cunha notable capacidade atlética para a práctica do voleibol como son os madrileños de Collado Villalba. Un intercambio de accións ofensivas escríbían as primeiras páxinas deste encontro ó que os nosos nunca lle perderon a cara. Os ataques dominaban momentáneamente a unhas defensas que minutos máis tarde serían chaves na vitoria do Náutico neste primeiro parcial. Na rede, a muralla branquiazul poñía a súa derradeira pedra mediado o set e da man de xogadores como Emilio Palacio, Mario Iglesias e Iván Souto, moi atinados en bloqueo, poñían a directa e conseguían premer a tecra do desatenazamento ó que estaban a ser sometidos os nosos no arranque desta "final". A tónica nos sets vindeiros sería moi parecida. A primeira liña de defensa boirense desartellaba ós canoneiros madrileños que buscaban desesperadamente as máns dun bloqueo que desequilibraría a balanza deste choque. No arranque do terceiro o orgullo dos visitantes saíu á luz. Nos primeiros compases semellaba que o set se podía complicar froito da contundencia no ataque dos amarelos de Collado. A batuta de Cristóbal Álvarez dende a liña dos nove metros afinou de novo ós seus compañeiros e colocaron  deste xeito o vixésimocuarto punto no casilleiro desta 1ª Div. Nacional masculina. Polo Náutico xogaron: Iván Souto, Emilio Palacio, Cristóbal Álvarez, Manuel Pérez, Jesús Vázquez, Mario Iglesias e Adrián Alves (líbero). Como reservas agardaban a súa oportunidade Rubén Taibo, Miguel Vázquez, Xavier Sarille, Gustavo Romero e Antón Pérez.

xoves, 7 de febreiro de 2013

NOVA XORNADA: O VOLEIBOL NON PARA NA FIN DE SEMANA DE ENTROIDO

SÁBADO 9:

MANUELA RIAL MOUZO - REYCA BOIRO VOLEIBOL
(10:30h, PM Dumbría)-(Liga galega infantil masculina)

VOLEIBOL DUMBRÍA - INGENIERÍA TRAZOS BOIRO VOLEIBOL
(10:30h, PM Dumbría)-(Liga galega cadete feminina)

MANUELA RIAL MOUZO - NAVALES CHICOLINO BOIRO VB.
(11:30h, PM Dumbría)-(Liga galega infantil feminina)

VOLEIBOL DUMBRÍA - TRILLIZOS BOIRO VOLEIBOL
(12:00h, PM Dumbría)-(Liga galega xuvenil masculina)

NÁUTICO BOIRO VOLEIBOL - COLLADO VILLALBA (Madrid)
(18:00h, A Cachada)-(1ª Div. Nacional masculina)

LUNS 11:

ESCOLA MUN. OURENSE-DOMPA - NAVALES CHICOLINO BOIRO VB.
(11:00h, A Carballeira)-(Liga galega infantil feminina)

IES AS LAGOAS SAN MARTIÑO DOMPA - O SECRETO BOIRO VOLEIBOL
(12:30h, A Carballeira)-(Liga galega xuvenil feminina)

domingo, 3 de febreiro de 2013

RESULTADOS DA XORNADA: O NÁUTICO REGRESA COS 3 PUNTOS DA CAPITAL

REYCA BOIRO VOLEIBOL 1-3 STA. MARÍA DEL MAR
(25-13, 21-25, 17-25, 18-25)-(Liga galega infantil masculina)

Os infantís mostraron dúas caras
Derrota dos máis pequenos da sección masculina do Boiro Voleibol no seu enfrontamento ante o colexio coruñés de Sta. María del Mar nesta décimosexta xornada da liga galega. O encontro comezaba moi ben para os intereses do Reyca que baseando o seu xogo nun atinado servicio e nunha construcción de calidade anotábase a primeira manga sen maiores atrancos. Pablo Nieto e Rubén Martínez foron os principais baluartes no xogo dos nosos neste arranque de partido. A partires de aquí o temor apoderouse dos nósos. A efectividade dende os 9 metros caíu en picado á par que a confianza na vitoria dos de Adrián Alves. Os herculinos comezaron a plantarse ben en defensa e o seu servicio fixo moito dano á recepción boirense. Polo Reyca xogaron: Rubén Martínez, Álvaro Pérez, Daniel Olveira, Christopher Rodríguez, Pablo Nieto e Darío Outeiral. Tamén xogaron Álex Velo, Manu Tubío, Gabriel Seijas e Adrián.

TRILLIZOS BOIRO VOLEIBOL 3-0 BIG MAT SUEIRAS SAN SADURNIÑO
(25-15, 25-15, 25-21)-(Liga galega xuvenil masculina)

O Trillizos supera ó San Sadurniño en tres sets
Cómoda vitoria do Trillizos Boiro Voleibol na visita a Boiro do 2º clasificado desta liga galega xuvenil masculina, o BigMat Sueiras de San Sadurniño. A pesar de contar coas baixas dos seus veteranos (Daniel Vázquez, Alfonso Rey e Daniel Sieira) os nosos saíron concentrados á pista da Cachada e cun xogo práctico á par que eficaz e baseado no contraataque gracias ás boas labores en servicio e defensa lograron imporse con facilidade nas dúas primeiras mangas. A relaxación no terceiro set fixo cometer moitos máis erros non forzados ós novos xogadores do Trillizos, dando lugar deste xeito a un desenlace de parcial máis apretado. O saber facer nos momentos decisivos  do set deixou en saco branquiazul os dous puntos da vitoria que sitúan ós nosos xuvenís a tan só unha vitoria do cadro de Ferrolterra. Polo Trillizos xogaron: Ismael Martínez, Fran Dieste, Xian Pérez, Adrián Outeiral, Óscar Refojo, Lois Vázquez e Abel Sánchez (líbero). Tamén xogaron Dani Gey e o debutante Félix Romero.

REDESYL BOIRO VOLEIBOL 0-3 LANCER ZENALE SAN SADURNIÑO
(17-25, 18-25, 23-25)-(2ª División autonómica masculina)

O Redesyl non pode co actual campión da 2ª división
Derrota do noso equipo filial ante o 2º clasificado da competición autonómica senior masculina. Malia a superioridade do equipo rival os nosos xogadores nunca perderon a tensión na cancha nin as gañas de competir. Tras dous sets onde lograban manterse co marcador igualado nun principio dos mesmos, remataban cedendo froito do dominio na rede dos de Eloy Mahía. Pódese pensar que o Redesyl baixaría os brazos pero nada máis lonxe da realidade. Coas mesmas ansias e corazón pelexaron ate o final o terceiro set onde, mediante a boa actuación en saque e defensa de Juan Outeiral na súa entrada ó terreo de xogo, lograron dominar o tanteador ata o 22-20. Os acertos dende a liña de saque e o tino en ataque dos visitantes impediron que os nosos recurtaran distancias. Polo Redesyl xogaron: Ismael Martínez, Diego Romero, Fran Dieste, Miguel Lorenzo, Adrián Armental, Alén García e Abel Sánchez (líbero). Tamén xogaron Lois Vázquez, Adrián Outeiral, Xian Pérez, Óscar Refojo e Juan Outeiral.

INGENIERÍA TRAZOS BOIRO VOLEIBOL 0-3 ZALAETA
(18-25, 9-25, 19-25)-(Liga galega cadete feminina)

As cadetes ceden ante o potencial do Zalaeta coruñés
Difícil misión a que tiñan as cadetes neste encontro que as enfrontaba ás segundas clasificadas da liga galega cadete feminina, o Zalaeta da Coruña. As baixas de Emma Ordóñez e Ángela Alves debilitaban en exceso a liña de recepción das locais que na mañá do sábado non tiveron o seu mellor día. Tan só os erros non forzados das herculinas en momentos puntuaus do choque propiciaban que o marcador se mantivese igualado pero tan pronto éstas recuperaban o acerto en saque e ataque facían imposible que o Ingeniería Trazos seguise o ritmo de xogo das visitantes. Tras este tropezo as de Emilio Palacio permanecen na 11ª posición a tan só un punto de equipos coma o Fisioterapia Cinesia Noia e o CV Pontevedra. A vindeira semana visitarán nun encontro vital de cara a seguir loitando pola permanencia a cancha do pechacancelas da categoría, o Voleibol Dumbría. Ingeniería Trazos: Ana Bugallo, Claudia Pinaque, Sara Lojo, Antía Sampedro, Lea Gatbache e Irea Triñanes. Tamén xogaron: Paula e Marta Segade.

O SECRETO BOIRO VOLEIBOL 0-3 ZALAETA
(12-25, 13-25, 6-25)-(Liga galega xuvenil feminina)

Mal encontro de O Secreto na Cachada
Partido para esquecer o que protagonizaron as xogadoras de O Secreto a tarde do sábado. A pesares de enfrontarse a un dos dominadores da competición autonómica xuvenil feminina, a ausencia dalgunha das súas mellores xogadoras facía pensar nun encontro moito máis disputado do que finalmente resultou ser. A falta de concentración e actitude das nosas ocasionaba unha derrota que facía pensar nas actuacións de finais da primeira volta. Unha recepción deficiente propiciou que o conxunto herculino puntuase co servicio ou en contraataque cunha facilidade preocupante deixándolles en bandexa a vitoria. A vindeira semana as de Emilio Palacio e Narciso Abalo viaxarán á cidade das burgas para medirse no Paco Paz ó último clasificado, o IES As Lagoas San Martiño Dompa. Por O Secreto xogaron: Sara Bugallo, Ana Bugallo, Antía Sampedro, Melissa Novoa, Isa Gómez, Alejandra Galbán e Sheila Outeiral (líbero). Como suplentes atopábanse Sheila Pouso e Claudia Pinaque.

CUV ALCORCÓN 0-3 NÁUTICO BOIRO VOLEIBOL
(22-25, 8-25, 20-25)-(1ª División nacional masculina)

A defensa boirense mostrouse combativa en Madrid
Importantísimo triunfo o que conquistou o primeiro equipo masculino neste longo desprazamento a Madrid. Tras superar en tres sets ó CUV Alcorcón os de Emilio Palacio seguen no máis alto desta 1ª nacional logo de que o seu inmediato perseguidor, o UVa, se deixase un punto no feudo do Universidade de Burgos. O pistoletazo de saída do encontro foi un tanteo mutuo onde os boirenses non conseguían mostrar a súa mellor versión. Foi mediado o set cando o bloqueo-defensa do Náutico fixo acto de presencia e puxo a salvo unha vitoria parcial que se complicara cunha desvantaxe de 3 puntos. O segundo set foi un monólogo. A efectividade na primeira rotación de servicio do receptor Cristóbal Álvarez ensinaba o camiño ós branquiazuis, conseguindo amplas vantaxes no luminoso para o que restaba de set. O bloqueo barbanzano permitía ordear notablemente a defensa, factor que pasou factura ó cadro da capital que non atopaba o xeito de poder puntuar e que achegaba ós nosos a unha ansiada vitoria. No terceiro e derradeiro os locais melloraron con respecto ó anterior pero na cancha do Polideportivo Los Cantos había un equipo que se estaba a xogar moito neste choque e non baixou a súa intensidade ata o punto 25. Froito dunha boa defensa e dunha reconstrucción de calidade chegaba un triunfo que permite que a primeira praza desta competición nacional siga a falar galego. Polo Náutico formaban Iván Souto, Emilio Palacio, Cristóbal Álvarez, Gustavo Romero, Jesús Vázquez, Mario Iglesias e Adrián Alves (líbero). Como reservas estaban Manuel Pérez, Xavier Sarille, Miguel Vázquez e Antón Pérez. Causaron baixa Narciso Abalo e Rubén Taibo, ambos por lesión.