A DERRADEIRA XORNADA DO 2014 DÉIXANOS UN PLENO DE VITORIAS PARA @S NOS@S:

REDESYL BOIRO VOLEIBOL 3-0 CVP GÓMEZ LOR MULTIÓPTICAS

(25-14, 26-24, 25-22)-(2ª Div. Autonómica Masculina)

Pablo Redondo nas alturas

O bo estado de forma do equipo filial masculino continúa. Malia as importantes baixas que os castigan, os de Adrián Alves están sacando adiante os partidos desta competición autonómica con solvencia. O do sábado foi un encontro no que os nosos foron de máis a menos. No transcurso do primeiro set viuse a mellor versión do Redesyl. Xavier Sarille e Xian Pérez eran os puñais ofensivos dun equipo atinado en recepción e moi activo en bloqueo-defensa. A partires de aquí o acerto baixou en tódalas facetas do xogo para vivir dous finais de set igualados.  Unha vez máis o Redesyl demostrou que é un equipo ó que lle custa marcar o ritmo do xogo e os pontevedreses, equipo con xogadores de moito percorrido nesta categoría, competiron ata o final. Polo JEALSA xogaron: Ismael M., Xian P., Xavier S., Lois V., Borja V., Fran D. e Felipe R. (líbero). Como reservas agardando a súa oportunidade atopábanse Daniel V., Pablo R., Juan O., Félix R. e Diego R.

A CACHADA ACOLLE 4 PARTIDOS ESTA FIN DE SEMANA. HORARIOS:

SÁBADO 20:

JEALSA BOIRO VOLEIBOL - MEXILLÓN DE OURO VOLEIBOL RIANXO

(17:00h, A Cachada)-(Liga Galega Cadete Masculina)

JEALSA BOIRO VOLEIBOL - FISIOTERAPIA CINESIA NOIA

(19:00h, A Cachada)-(Liga Galega Xuvenil Feminina)

REDESYL BOIRO VOLEIBOL - CVP GÓMEZ LOR MULTIÓPTICAS

(19:00h, A Cachada)-(2ª Div. Autonómica Masculina)

DOMINGO 21:

JEALSA BOIRO VOLEIBOL - VOLEIBOL DUMBRÍA

(11:00h, A Cachada)-(Liga Galega Cadete Feminina)

OS XUVENÍS, PROTAGONISTAS NA FORMACIÓN DO SEPTETO IDEAL DESTA SEMANA:

Os xuvenís monopolizan o septeto ideal

As lesións mermaron seriamente o potencial do noso equipo xuvenil masculino na súa visita o pasado sábado ó Calasancias Coruña. Á convocatoria de Ismael Martínez co primeiro equipo sumábanse as lesións de Marcos Alvite e Adrián Gatbache. Malia este panorama, os xogadores que representaron ó JEALSA en terras herculinas cumpliron ás mil marabillas para anotarse unha importantísima vitoria, por esto tantos nomeamentos. Colocador, Rubén Martínez: extraordinaria labor de distribución a realizada polo cadete no encontro xuvenil. Completou cunha traballadísima vitoria o seu primeiro partido completo coa categoría superior. Oposto, Xian Pérez: baluarte ofensivo dos xuvenís nos momentos quentes do encontro. A súa altísima eficacia atacante foi vital para regresar con 2 valiosísimos puntos. Receptora 1, Paula Vázquez: denda hai varias semanas está destacando polas súas actuacións en recepción e ataque. O pasado domingo non foi diferente e protagonizou unha das boas noticias que nos deron as xuvenís na derrota sufrida ante Calasancias. Receptor 2, Lois Vázquez: a lesión de Adrián Gatbache deixaba orfa a liña de recepción do JEALSA. O pequeno dos irmáns Vázquez apuntalouna á perfección e erixiuse nun dos piares atacantes dos nosos xuvenís. Central 1, Fran Dieste: tardou en chegar a súa conexión con Rubén pero cando o fixo foi unha baza imparable para os coruñeses. O traballo do de Brión dándolle forma ó bloqueo boirense foi vital para a gran actuación da defensa de segunda liña branquiazul. Central 2, Álex Velo: segunda inclusión consecutiva para o cadete demostrando deste xeito o seu bo estado de forma. O seu crecemento en ataque e a enorme incidencia defensiva que tivo na vitoria por 3-1 do JEALSA son as credenciais para ser a segunda peza da dupla de centrais. Líbero, Darío Outeiral: tocouno todo en defensa no Colexio Calasancias. Cando está enchufado é un soplo de aire fresco na segunda liña do JEALSA.

RESULTADOS DOS NOSOS EQUIPOS NO 13 E 14 DE DECEMBRO:

CV AA LLARS MUNDET 3-0 NÁUTICO BOIRO VOLEIBOL

(25-12, 25-23, 25-15)-(Superliga 2 Masculina)

O Bloqueo do CVAA Llars Mundet, sobresaínte

Duro correctivo o sufrido polo Náutico no seu desprazamento a Barcelona para medirse a un dos mellores equipos da categoría como é o CVAA Llars Mundet. O colocador Iván Souto e o central Jesús Vázquez seguen causando baixa no conxunto dirixido por Emilio Palacio, que non acaba de atopar a maneira de volver a ser a escadra competitiva de comezos de tempada. No arranque do encontro viuse a peor cara do Náutico. Sen dinamita en ataque e cometendo bastantes imprecisións de tódalas naturezas vían os de Boiro como os cataláns, maxistralmente dirixidos polo colocador Sergi Arranz, de contado poñían a directa hacia a vitoria parcial dominando con claridade o tanteador nos tempos técnicos (8-3, 16-10). No segundo set as sensacións foron totalmente contrapostas. A maior incidencia do noso bloqueo-defensa e a gran actuación ofensiva de Gabriel del Carmen (13) levaban o set a unha igualdade máxima. Deste xeito se chegaba á vintena igualados pero a extraordinaria defensa de primeira liña proposta polos de Tony Alemany desequilibraría un set que significaría a rendición dos boirenses. Durante o transcurso do 3º set os cataláns continuaban mandando con claridade preto da rede. O central ex-Andorra Iván Lanza e o seu compañeiro de posición Alfred Argiles fortificaban unha muralla infranqueable para os galegos. Por si fose pouco o infortunio volveu a facer acto de presenza en forma de lesión. Nos primeiros puntos do set o líbero boirense Adrián Alves sufría unha lesión na súa cadera que o impediría participar no resto do encontro, sendo substituido por un líbero en funcións como foi Miguel Vázquez. Consulta neste enlace as estadísticas oficiais do partido. Polo Náutico xogaron: Ismael M., Narciso A., Cristóbal Á., Gabriel del C., Mario I., Emilio P. e Adrián A. (líbero). Tamén xogaron Gustavo R., Manuel P., Germán R. e Miguel V.

BARCELONA E A CORUÑA DESTINOS DA PRÓXIMA XORNADA. HORARIOS:

SÁBADO 13:

CALASANCIAS CORUÑA - JEALSA BOIRO VOLEIBOL

(10:00h, Calasancias)-(Liga Galega Cadete Feminina)

CALASANCIAS CORUÑA - JEALSA BOIRO VOLEIBOL

(11:30h, Calasancias)-(Liga Galega Cadete Masculina)

CALASANCIAS CORUÑA - JEALSA BOIRO VOLEIBOL

(13:00h, Calasancias)-(Liga Galega Infantil Masculina)

CALASANCIAS CORUÑA - JEALSA BOIRO VOLEIBOL

(13:00h, Calasancias)-(Liga Galega Xuvenil Masculina)

CV AA LLARS MUNDET - NÁUTICO BOIRO VOLEIBOL

(16:00h, Pavelló Municipal del Carmel)-(Superliga 2 Masculina)

DOMINGO 14:

CALASANCIAS CORUÑA - JEALSA BOIRO VOLEIBOL

(10:00h, PM Sagrada Familia)-(Liga Galega Xuvenil Feminina)

CALASANCIAS CORUÑA - JEALSA BOIRO VOLEIBOL

(12:00h, PM Sagrada Familia)-(2ª Div. Autonómica Feminina)

A SECCIÓN MASCULINA MONOPOLIZA O EQUIPO IDEAL DA XORNADA PASADA:

Eles son os protagonistas neste #7IdealBoiroVoleibol

Unha semana máis o apartado que recolle ós xogadores máis destacados da xornada está aquí e desta volta a sección masculina do clube é a auténtica protagonista. Colocador, Daniel Vázquez: gran actuación a do infantil malia a derrota por 0-3 ante EMEVE. A súa melloría semana a semana convírteno nun dos referentes do JEALSA. Oposto, Daniel Olveira: gran actuación en facetas ofensivas e moi incisivo en bloqueo para parar ós potentes receptores do EMEVE na vitoria que coloca ós nosos cadetes no 1º posto da LGCM. Receptora 1, Rebeca González: o primeiro equipo feminino conseguíu o pasado sábado unha traballadísima vitoria ante EMEVE e en gran parte foi gracias ós números desta boirense. Segura en recepción e contundente en ataque Rebeca é a primeira peza na dupla de puntas do noso equipo ideal. Receptor 2, Pablo Nieto: fin de semana redondo para o cadete de primeiro ano. O seu ataque por zona 4 foi unha das claves na vitoria do JEALSA cadete sobre o EMEVE. A súa recepción raiou a gran nivel e a súa actuación posteriormente no encontro xuvenil foi máis que notable. Central 1, Mario Iglesias: 8 puntos de ataque (42%) e 4 bloqueos son as credencias do rianxeiro para ser un dos mellores da xornada. Central 2, Álex Velo: gran paso adiante o dado por Álex nun encontro trascendental para os nosos. O seu bloqueo axudou a deter ós fortes atacantes de banda lucenses e o seu saque foi un pesadelo constante para a liña de recepción visitante. Líbero, Darío Outeiral: Preciso en recepción e desequilibrante na defensa de segunda liña do JEALSA cadete masculino. A súa labor proporciona unha orde fóra do normal en un equipo desta idade, por este motivo é merecidamente nomeado o mellor líbero da semana.

O FC BARCELONA MARCHA CON 2 PUNTOS DA CACHADA. RESULTADOS DA XORNADA:

NÁUTICO BOIRO VOLEIBOL 2-3 F.C. BARCELONA
(25-21, 14-25, 25-23, 15-25, 13-15)-(Superliga 2 Masculina)

Gaby e Mario tentan bloquear ó andaluz Germán López

Dolorosa derrota a sufrida polo primeiro equipo ante un rival directo na pelexa por entrar na Copa Príncipe de Asturias que se celebrará en Melilla no mes de xaneiro. As máis de 500 persoas que ateigaban as bancadas da Cachada vían como os homes de Emilio Palacio comezaban mandando no partido gracias á súa puntualidade no cambio de saque e á destacadísima actuación dos centrais neste inicio de choque. Co 1-0 no tanteador xeral o Náutico baixou unha marcha permitíndolle ós culés entrar nun encontro que ata o momento era de cor branquiazul. Cun xogo irregular e a rachas os nosos non estiveron a altura e sufriron un duro castigo que deixaba o partido en táboas. As malas sensacións persistirían no comezo do 3º parcial. Os erros non forzados e a aportación ofensiva do oposto andaluz Germán López (18) e dos receptores Aaron Gámiz e Eric Hernández (13 e 18 puntos respectivamente) facían que os da cidade condal chegasen con 4 puntos de vantaxe ó primeiro tempo técnico (4-8). Tras esta pausa os de Boiro reaccionaron: A combinación do colocador xuvenil Ismael Martínez cos seus centrais era a mellor arma dos nosos que a base de intensidade defensiva revertían a situación para colocarse de novo por diante no marcador. Lonxe de aprender dos erros cometidos durante o transcurso da 2ª manga onde os boirenses non souberon xestionar a súa renda e volveron a tropezar coa mesma pedra no camiño. A falta de determinación volvía a facer que múltiples erros deixasen en bandexa o empate ó F.C. Barcelona, levando o choque a un incerto desempate. Os nosos comezaban máis atinados e a conexión coas bancadas facía que o bloqueo-defensa volvese a cobrar protagonismo. Deste xeito se chegaba á decea de puntos cos nosos tres puntos por riba (10-7) e co partido prácticamente encarrilado. Co 13-11 chegou o momento clave do encontro: un ataque franco de Narciso Abalo que poría un case definitivo 14-11 era defendido con dificultades pola segunda liña catalana, pasando a milímetros das vigas da Cachada para ser culminado na acción seguinte polo Barça. O empate a 13 chegaría despois dun bloqueo directo do mellor xogador do encontro, o central Jordi Marcé que rematou con 20 dianas e decidiu a parte final do choque. A continuación o desconcerto xogoulle unha mala pasada ó Náutico que deixou escapar dous puntos que certificaban a derrota con dúas imprecisións impropias dun equipo de Superliga 2. Consulta a estadística completa do encontro aquí. Polo Náutico xogaron: Ismael M., Narciso A., Cristóbal Á., Gabriel del C., Mario I., Emilio P. e Adrián A. (líbero).

HORARIOS PARA ESTE SÁBADO 6 DE DECEMBRO:

JEALSA BOIRO VOLEIBOL - EMEVE

(10:00h, A Cachada)-(Liga Galega Infantil Masculina)

JEALSA BOIRO VOLEIBOL - EMEVE

(10:00h, A Cachada)-(Liga Galege Cadete Masculina)

JEALSA BOIRO VOLEIBOL - EMEVE

(10:00h, A Cachada)-(Liga Galega Cadete Feminina)

JEALSA BOIRO VOLEIBOL - EMEVE

(11:30h, A Cachada)-(Liga Galega Xuvenil Masculina)

JEALSA BOIRO VOLEIBOL - EMEVE

(11:30h, A Cachada)-(Liga Galega Xuvenil Feminina)

REDESYL BOIRO VOLEIBOL - EMEVE

(13:00h, A Cachada)-(2ª Div. Autonómica Masculina)

JEALSA BOIRO VOLEIBOL - EMEVE

(13:00h, A Cachada)-(2ª Div. Autonómica Feminina)

NÁUTICO BOIRO VOLEIBOL - F.C. BARCELONA

(19:00h, A Cachada)-(Superliga 2 Masculina)

EQUIPO IDEAL DO 29-30 DE NOVEMBRO:

Os mellores da xornada (29-30 de novembro)

Nunha xornada repleta de encontros varias son as actuacións d@s nos@s xogadores que destacan por riba dos demais compañeir@s. Deste xeito o septeto ideal da semana é o seguinte: colocadora, Sara Bugallo: a figura da xogadora saída da nosa canteira medra semana tras semana, mostrando actuacións tan notables como a do domingo en Ourense. O seu saber a dirección do JEALSA é unha das chaves da boa marcha das xuvenís nos últimos tempos. Oposto, Daniel Vázquez: nocivo co seu servicio e moi combativo durante todo o encontro foi un dos baluartes no encontro no que os infantís caeron en Dumbría ante o Manuela Rial Mouzo. Receptor 1, Xavier Sarille: destacadísima actuación a do amiense no seu debut co equipo filial masculino. Seguro na liña de recepción e moit incisivo en ataque foi sen lugar a dúbidas un dos mellores xogadores sobre a cancha do Municipal de Dumbría. Receptor 2, Alberto Tubío: Serio en defensa e moi atinado en recepción. A súa predisposición para competir fai do rianxeiro un gran valor da canteira boirense nestes momentos. Central 1, Germán Romero: no seu debut como titular estivo máis que acertado, sumando a nada rexeitable cifra de 11 puntos de ataque (44%) e 3 bloqueos para un total de 14. Central 2, Félix Romero: extraordinaria actuación a do central boirense na vitoria dos xuvenís sobre o Voleibol Dumbría por 0-3. En ataque estivo sobresaínte convertindo en punto cada ocasión que o seu colocador lle daba e en bloqueo traballou para intimidar ós atacantes locais. Líbero, Sheila Outeiral: o seu saber facer en recepción e a súa capacidade defensiva fan da xuvenil unha visitante asidua nesta sección.

O NÁUTICO DA UN PASO ATRÁS EN VIGO. RESULTADOS DA XORNADA:

CLUB VIGO VOLEIBOL 3-2 NÁUTICO BOIRO VOLEIBOL

(28-26, 18-25, 30-28, 17-25, 15-13)-(Superliga 2 Masculina)

Derrota do Náutico en Coia

Axustada derrota a sufrida polo noso primeiro equipo na súa visita ó Pavillón de Coia vigués. O derbi galego da categoría de prata chegáballes ós de Emilio Palacio nun momento delicado xa que as baixas de Mario Iglesias, Jesús Vázquez e Iván Souto mermaban un cadro de xogadores que foi completado coa convocatoria do central xuvenil Fran Dieste. O encontro arrancaba cos nosos moi irregulares. O desconcerto boirense era aproveitado á perfección polos vigueses que chegaban ós tempos técnicos do primeiro set mandando no luminoso. Co paso dos puntos os nosos foron atando cabos e levando a igualdade ó xogo. Tras un tira e afrouxa e un balón de set marrado polo Náutico os de Vigo adiantábanse nun partido de pouca brilantez ata o momento. No inicio do segundo set o Náutico soltou lastre e mostrou unha cara ben diferente. Narciso Abalo e Gabriel del Carmen eran os estiletes  ofensivos que mantiñan a iniciativa para os seus. Deste xeito chegaba o empate o tanteador. A terceira foi a manga máis igualada de todas. As defensas impoñíanse ós ataques e tras varias oportunidades de gañalo set desperdiciadas os vigueses asegurábanse un punto gracias a un envío fóra de límites dos branquiazuis. De novo a derrota espertaba ós nosos. A presión exercida neste momento polo servicio boirense maniataba ós receptores locais que se mostraban incapaces de comezar a súa construcción con certa claridade levando inevitablemente o encontro ó desempate. O tie-break comezaba co Náutico máis acertado. O saque, xunto co bloqueo defensa, poñía terra de por medio e os 3 puntos de renda acadados polos da Cachada semellaban case que definitivos. Foi neste momento cando o plan de xogo se desmoronou. As imprecisións no saque, sumadas á falta de determinación en momentos tan importantes fixo que os vigueses recuperaran alento e pechasen un encontro que nos deixa unha derrota que afasta ós nosos da clasificación para a Copa Príncipe. Polo Náutico xogaron: Ismael M., Narciso A., Cristóbal Á., Gabriel del C., Emilio P., Germán R. e Adrián A. (líbero). Como reservas estaban Daniel V., Gustavo R., Miguel V., Manuel P. e Fran D.

VIGO, OURENSE E DUMBRÍA DESTINOS DA PRÓXIMA XORNADA:

SÁBADO 29:

CLUB VIGO VOLEIBOL - NÁUTICO BOIRO VOLEIBOL

(18:30h, Pavillón de Coia)-(Superliga 2 Masculina)

DOMINGO 30:

VOLEIBOL DUMBRÍA - REDESYL BOIRO VOLEIBOL

(10:00h, Municipal de Dumbría)-(2ª Div. Autonómica Masculina)

DOMPA GESTIÓN - JEALSA BOIRO VOLEIBOL

(10:15h, P.M. Los Remedios)-(Liga Galega Cadete Feminina)

DOMPA GESTIÓN - JEALSA BOIRO VOLEIBOL

(11:30h, P.M. Los Remedios)-(Liga Galega Xuvenil Feminina)

VOLEIBOL DUMBRÍA - JEALSA BOIRO VOLEIBOL

(11:30h, Municipal de Dumbría)-(Liga Galega Cadete Masculina)

VOLEIBOL DUMBRÍA - JEALSA BOIRO VOLEIBOL

(13:00h, Municipal de Dumbría)-(Liga Galega Xuvenil Masculina)

MANUELA RIAL MOUZO - JEALSA BOIRO VOLEIBOL

(13:00h, Municipal de Dumbría)-(Liga Galega Infantil Masculina)

DOMPA GESTIÓN - JEALSA BOIRO VOLEIBOL

(13:30h, A Carballeira)-(2ª Div. Autonómica Feminina)

EQUIPO IDEAL BOIRO VOLEIBOL DA XORNADA DO 22-23 DE NOVEMBRO:

Destacados da xornada do 22-23 de novembro

A pasada foi a xornada máis prolífica en canto a resultados do que vai de temporada (5 vitorias en 6 encontros) polo que a pugna por entrar no septeto ideal foi especialmente disputada. Colocadora, Sara Bugallo: extraordinaria labor de dirección no encontro que as xuvenís gañaron pola vía rápida ante CVP. O seu servicio foi un pesadelo para as pontevedresas e a súa entrada no encontro da 2ª Div. Feminina foi clave para o triunfo das de Mario Iglesias no tie-break. Oposto, Daniel Olveira: gran actuación ofensiva unha semana máis a do cadete na vitoria destes por 3-0 ante Narón Volea. Receptor 1, Cristóbal Álvarez: sen ningunha dúbida foi o xogador máis destacado do Náutico na vitoria ante CV Leganés. 19 puntos, mellor receptor (95%), mellor sacador (3 aces) e a inclusión no 7 ideal da xornada na SM-2 avalan ó Diablo. Receptor 2, María Triñanes: imprescindible na vitoria do JEALSA sobre o CVP. Segura en recepción, moi activa en defensa e incisiva en ataque. Central 1, Mario Iglesias: os seus 8 puntos de ataque e 2 bloqueos ante os madrileños do CV Leganés son suficientes para ser un dos mellores xogadores do club nesta xornada. Central 2, Alejandra Galbán: gran actuación preto da rede tanto no encontro xuvenil coma no senior, converténdose nunha das xogadoras máis desequilibrantes dos seus respectivos encontros. Líbero, Darío Outeiral: a súa mestría en recepción e a facilidade que demostrou o pasado sábado para defender balóns comprometidos xustifican a convocatoria nesta formación para o xogador cadete.

O NÁUTICO RECUPERA O SORRISO NUNHA XORNADA NA QUE ROZAMOS O PLENO:

NÁUTICO BOIRO VOLEIBOL 3-1 CVLEGANÉS.COM

(17-25, 25-22, 25-23, 25-23)-(Superliga 2 Masculina)

Un Cristóbal Á. estelar relanza ó Náutico na SM-2

Fíxose de rogar pero a segunda vitoria da temporada para o noso primeiro equipo xa está no peto. As dificultades coas que o Náutico afrontaba este vital encontro para manter vivas as esperanzas de clasificar para a Copa Príncipe de Asturias eran inmumerables pero o ADN loitador do equipo volveu a brindarlle unha gran tarde de volei ós seus siareiros. Á xa coñecida baixa colocador titular Iván Souto sumábase a do central Jesús Vázquez por problemas nun nocello pero os nosos souberon sobrepoñerse a estas ausencias e deixar os 3 puntos na Cachada. Emilio Palacio confiou nos mesmos homes que deron a cara fai 7 días en Palencia ante a selección española júnior. O arranque do choque era desesperanzador para os de Boiro. Cheos de dúbidas, cometendo moitas imprecisións e incapaces de parar ós atacantes madrileños vían como o rival se adiantaba con relativa comodidade gracias á aportación ofensiva do seu oposto Alberto Aparicio (16 pts). Lonxe de borrarse do encontro, os nosos apelaron a súa coraxe e mudaron de faciana tralo descanso entre sets. O servicio branquiazul comezou a carburar e a construcción visitante pasaba por moitos máis apuros que no primeiro acto. A recepción local permitía elaborar o xogo ofensivo en mans do xuvenil Ismael Martínez e a estratosférica actuación ofensiva de Cristóbal Álvarez (19) mostráballe ó Náutico o camiño hacia a vitoria parcial que colocaba as táboas no luminoso. No terceiro o Náutico chegaba ós dous primeiros tempos técnicos a remolque no tanteador (4-8 e 13-16). As imprecisións volvían a lastrar a un equipo que só na parte final do set conseguiría afinar as súas accións para colocar o 2-1 favorable. Este triunfo parcial sentoulles ós nosos coma un soplo de aire fresco. O nivel de recepción era óptimo e o Náutico permanecía puntual ó cambio mentres en bloqueo-defensa arañaba en cada rotación que se dispoñía a sacar. Tras desaproveitar 4 puntos de vantaxe con varias imprecisións Narciso Abalo atopaba un bloqueo-fóra nas mans da primeira liña madrileña que catapultaba ó Náutico hacia 3 puntos importantísimos. Consulta aquí a estadística do encontro. Polo Náutico xogaban: Ismael M., Narciso A., Cristóbal Á., Gabriel del C., Mario I., Emilio P. e Adrián A. (líbero). Como suplentes estaban Daniel V., Miguel V., Germán R., Manuel P. e Gustavo R.

HORARIOS DO SÁBADO 22 CANDO O CV LEGANÉS VISITA A CACHADA NA SM-2:

JEALSA BOIRO VOLEIBOL - NARÓN VOLEA

(10:00h, A Cachada)-(Liga Galega Cadete Masculina)

JEALSA BOIRO VOLEIBOL - CVP ALIANZA ESPAÑOLA SEGUROS S.A.

(10:00h, A Cachada)-(Liga Galega Cadete Feminina)

JEALSA BOIRO VOLEIBOL - CV NARÓN VOLEA

(11:30h, A Cachada)-(Liga Zonal Infantil Feminina)

JEALSA BOIRO VOLEIBOL - CVP ALIANZA ESPAÑOLA SEGUROS S.A.

(11:30h, A Cachada)-(Liga Galega Xuvenil Feminina)

JEALSA BOIRO VOLEIBOL - CVP ALIANZA ESPAÑOLA SEGUROS S.A.

(13:00h, A Cachada)-(2ª Div. Autonómica Feminina)

NÁUTICO BOIRO VOLEIBOL - CVLEGANÉS.COM

(19:00h, A Cachada)-(Superliga 2 Masculina)

DOMINGO 23, ÁS 12:00H NO CENTRO SOCIAL DE BOIRO, ASAMBLEA DO CV CABO DE CRUZ:

Pola presente convócaselle a unha sesión ordinaria da asamblea do CV Cabo de Cruz-Boiro Voleibol, que se celebrará o vindeiro domingo día 23 de novembro ás 12:00 horas, no salón de actos do Centro Social de Boiro, baixo a presidencia de Don Andrés Manuel Martínez Laranga e coa seguinte orde do día:

1. Lectura e aprobación, se procede, da acta anterior.
2. Lectura e aprobación, se procede, da memoria da tempada 2013/2014.
3. Rolda aberta de intervención.

Boiro, 20 de novembro de 2014.

SEPTETO IDEAL DO BOIRO VB DO 15 E 16 DE NOVEMBRO:

#7IdealBoiroVoleibol da pasada xornada

Malia non ser unha xornada todo o prolífica que quixésemos en canto a resultados houbo actuacións máis que destacadas nos encontros que disputaron os nosos equipos. Desta maneira, o 7 ideal desta xornada é o seguinte: Colocador, Ismael Martínez: tiña a complicadísima misión de suplir a baixa de Iván Souto na visita do Náutico a CyL Palencia 2016 e fíxoo con nota. Foi o xogador do Náutico máis destacado dende a liña de saque e a súa dirección repartiu unha máis que aceptable porcentaxe de acerto entre os seus atacantes. Oposto, Daniel Olveira: Foi o xogador do JEALSA cadete máis destacado en ataque na vitoria que os de Adrián Alves acadaron ante o Club Vigo Vb. Receptora 1, Alejandra Moledo: imparable en ataque durante todo o encontro ante o Xuvenil Teis que acabaría con vitoria boirense por 1-3. A súa aportación en recepción dota de máis seguridade á construcción do JEALSA. Receptor 2, Gabriel del Carmen: os seus 18 tantos ante CyL Palencia (38%) e a súa determinación en momentos claves do choque resérvanlle ó vigués unha praza entre os mellores da semana. Central 1, Mario Iglesias: 13 puntos de remate cun 57% de acerto, 3 bloqueos e 2 aces son as credenciais que presenta o central do Náutico para convertirse nun dos elixidos. Central 2, Lía Villar: non cabe dúbida que as cadetes pasan por un bo momento e un dos reflexos desta situación é Lía. Atinada en ataque e moi certeira desde a liña de saque foi unha das xogadoras máis destacadas no Municipal de Teis na mañá do domingo. Líbero, Christopher Rodríguez: espectacular estrea a do cadete no posto de líbero co equipo xuvenil. Un bo puñado de defensas imposibles e unha predisposición envexable para a defensa convirten a Christopher, sen ningunha dúbida, no mellor líbero desta xornada.

O NÁUTICO CAE EN PALENCIA E SEGUE SEN SALIR DO SEU BACHE PARTICULAR:

CYL PALENCIA 2016 3-1 NÁUTICO BOIRO VOLEIBOL

(27-25, 25-20, 21-25, 29-27)-(Superliga 2 Masculina)

O Náutico choca contra un altísimo bloqueo

Terceira derrota consecutiva do noso primeiro equipo na Superliga 2 Masculina do voleibol español. A xornada comezaba marcada polo infortunio. Unha luxación nun dedo da súa man dereita no adestramento do viernes apartaba ó colocador Iván Souto dun desprazamento importantísimo para os de Emilio Palacio. O encontro comezaba cos locais máis atinados. A súa presencia en bloqueo intimidaba ós atacantes boirenses que ata 22 veces chocaron co muro palentino. Tras un inicio dubitativo os nosos reaccionaron da man de Narciso Abalo, que a posteriori remataría como máximo anotador do encontro con 20 tantos. Foi un erro en recepción o que afastou ós branquiazuis de poñerse por diante no luminoso. Esta derrota parcial danou moito a moral do Náutico. O central palentino Víctor Rodríguez fortificou o seu terreo de xogo cunha altísima muralla que sería a chave do segundo parcial. O 2-0 tocou a tecla do orgullo dos nosos que tralo descanso entre sets volveu irrecoñecible á pista. Da man dun gran Ismael Martínez os atacantes boirenses comezaron a mostrarse máis efectivos. Mario Iglesias e Gabriel del Carmen (18 puntos cada un) apuntaban unha e outra vez ó firme contrario e os ánimos dos nosos ía en aumento cando se recurtaron as distancias. A inercia do terceiro permanecía intacta no seguinte set. O Náutico tomáralle a medida ó encontro e tras chegar por diante ó primeiro tempo técnico (6-8) o xogo barbanzano volveuse a desmoronar. A primeira liña de defensa dos de Ricardo Maldonado volvía a mostrar a súa calidade e envergadura para levar ó límite un encontro que nese momento se poñía moi costa arriba para os intereses dos nosos (21-16). Unha gran xeira de saques de Ismael Martínez e Gabriel del Carmen igualou o parcial pero dous erros clamorosos do colexiado facían que o xogo caese en saco local logo de estragar os nosos 2 balóns de set que levarían o partido ó desempate. Polo Náutico xogaron: Ismael M., Narciso A., Gabriel del C., Cristóbal Á., Mario I., Emilio P. e Adrián A. (líbero). Como reservas estaban Daniel V., Germán R., Gustavo R., Miguel V. e Manuel P.

SEIS ENCONTROS NA FIN DE SEMANA QUE O NÁUTICO VIAXA A PALENCIA:

SÁBADO 15:

CYL PALENCIA 2016 - NÁUTICO BOIRO VOLEIBOL

(17:30h, Campo de la Juventud)-(Superliga 2 Masculina)

DOMINGO 16:

IBERICAR TURBOTRACCIÓN XUVENIL TEIS - JEALSA BOIRO VOLEIBOL

(09:30h, Municipal de Teis)-(Liga Galega Cadete Feminina)

JEALSA BOIRO VOLEIBOL - CLUB VIGO VOLEIBOL

(10:30h, A Cachada)-(Liga Galega Cadete Masculina)

IBERICAR TURBOTRACCIÓN XUVENIL TEIS - JEALSA BOIRO VOLEIBOL

(11:15h, Municipal de Teis)-(2ª Div. Autonómica Feminina)

JEALSA BOIRO VOLEIBOL - CLUB VIGO VOLEIBOL

(12:00h, A Cachada)-(Liga Galega Xuvenil Masculina)

IBERICAR TURBOTRACCIÓN XUVENIL TEIS - JEALSA BOIRO VOLEIBOL

(13:00h, Municipal de Teis)-(Liga Galega Xuvenil Feminina)

AMPLA REPRESENTACIÓN MASCULINA NO SEPTETO IDEAL DESTA SEMANA:

Maior representación masculina esta xornada

As vitorias dos nosos equipos masculinos de canteira non pasan desapercibidas e as actuacións individuais nos seus respectivos encontros tampouco. Deste xeito o equipo ideal da xornada queda da seguinte maneira: Colocador, Daniel Vázquez: peza clave na primeira vitoria do noso equipo infantil masculino en Liga Galega. A súa aportación desde a liña de saque e a súa capacidade de xestión foron vitais para que os dous puntos en xogo quedasen na Cachada. Oposto, Daniel Olveira: foi un pesadelo para a segunda liña defensiva do Asesores Vila Castro no encontro que o JEALSA cadete masculino venceu por 3-0. Receptora 1, Paula Vázquez: destacada actuación en recepción e ataque a da boirense na vitoria das cadetes por 3-1. A súa rotación de saque sempre é un soplo de aire fresco para o seu equipo. Receptor 2, Naji A. Gatbache: a súa entrada desde o banco foi vital para que os xuvenís amarrasen 2 puntos máis. Atinado en saque e moi seguro en recepción dotou ó JEALSA da seguridade que necesitaban tras caer no primeiro set do encontro ante o reforzado equipo ourensán. Central 1, Fran Dieste: foi sen lugar a dúbidas o mellor xogador do JEALSA xuvenil masculino na mañá do sábado. Mostrouse imparable en ataque ó longo de todo o partido e un bloqueo directo seu desequilibraría un igualado tie-break. Central 2, Christopher Rodríguez: o seu ataque é unha das bazas que fai do JEALSA un equipo impredecible e o sábado viuse unha nova mostra. Líbero, Darío Outeiral: a súa elevade porcentaxe de recepción positiva permitiulle a Rubén Martínez construir o xogo ofensivo dos nosos con moita comodidade.

O CADETE CHRISTOPHER RODRÍGUEZ POLO MIÚDO, POR DANIEL VÁZQUEZ:

En Almería, coa medalla de bronce

Christopher Rodríguez Soñora (20/08/2000), nado en Rianxo pero afincado en Boiro, é unha das  promesas que nestes últimos anos sobresae na nosa canteira. Nunha primeira ollada, atopámonos a un rapaz educado, cordial e amigable, responsable, que traballa  non só para sí, senón tamén para os demais. Un mozo con ambición e coas ideas moi claras.

- (Daniel Vázquez) Comecemos polos inicios, como chegas ó mundo do volei?

- (Christopher) Con 11 anos, a min apetecíame practicar un deporte de equipo, competitivo, cun balón de por medio, e coma á miña nai non lle chista o fútbol, pois busquei outra saída. Xa tiña visto algúns partidos do actual equipo de Superliga e apaixonoume. Entón esa saída foi o voleibol. Se non fose pola miña nai... non formaría parte disto tan marabilloso.

-Tes practicado algún outro deporte? Facendo logo unha comparativa: que  caracteriza o voleibol respecto doutros?

-Si, practiquei outro "deporte":  o xadrez. Non é para nada comparable co voleibol, nula esixencia física, posición estática, por momentos aburrido... Pero si teñen un punto en común: a concentración. Ámbolos dous esixen máximo nivel nesa faceta, por iso creo que me resulta tan fácil concentrarme na pista. O volei é  complicadísimo. Un mínimo erro, dálle o tanto ao rival, cousa que non pasa no fútbol, no baloncesto... E como todos os deportes de equipo, necesita dun compañeirismo excepcional se queres acadar grandes éxitos.

O NÁUTICO CAE ANTE O INTASA SAN SADURNIÑO NO DERBI GALEGO DA SM-2:

NÁUTICO BOIRO VOLEIBOL 0-3 INTASA SAN SADURNIÑO
(24-26, 19-25, 16-25)-(Superliga 2 Masculina)

Os atacantes de banda do Intasa desequilibran o derbi

Dolorosa derrota a sufrida polo noso primeiro equipo masculino neste derbi galego da categoría de prata do volei español. Tras unha semana de moitas dúbidas ó redor do Náutico debido á mala imaxe ofrecida ante o CV Mediterráneo os ferrolanos que dirixe Flavio Calafell marchan de xeito merecido con 3 puntos da Cachada. O encontro comezaba cos nosos moi atinados no side-out. Deste xeito se chegou sempre en vantaxe ós tempos técnicos do primeiro set (8-5 e 16-11). Miguel Vázquez e Narciso Abalo mantiñan a raia á defensa visitante coa súa efectividade ofensiva. Os de ferrolterra estaban acorralados e pasando moitísimos apuros na súa construcción ata que as pantasmas de fai 7 días volveron para castigar duramente ó Náutico. O pulso tremeulle ós atacantes branquiazuis nos momentos quentes do set e o Intasa aproveitou a súa oportunidade de entrar no encontro dan man dos seus atacantes de ala. A derrota parcial caeu como unha xerra de auga fría e dinamitou por completo a confianza dos nosos. Os 17 puntos do receptor venezolano Hernán Tovar (44% de efectividade en ataque) e os 15 do seu compañeiro de posición, o murciano Francisco Fernández, foron as armas coas que os de San Sadurniño feriron de morte ós de Emilio Palacio. No 2º e 3º set non houbo historia: un crecido Intasa levábase pola vía rápida un triunfo ante un equipo que lamentablemente non estivo de novo á altura da súa extraordinaria afección, sen ningunha dúbida a mellor. Consulta tódolos datos do encontro premendo neste enlace. Polo Náutico xogaron: Iván S., Narciso A., Cristóbal Á., Miguel V., Jesús V., Mario I. e Adrián A. (líbero). Como reservas estaban o colocador xuvenil Ismael M., Emilio P., Gabriel del C., Manuel P. e Germán R.

HORARIOS DUNHA XORNADA REPLETA DE PARTIDOS NA CACHADA:

SÁBADO 8:

JEALSA BOIRO VOLEIBOL - ASESORES VILA CASTRO

(10:00h, A Cachada)-(Liga Galega Infantil Masculina)

JEALSA BOIRO VOLEIBOL - ASESORES VILA CASTRO

(10:00h, A Cachada)-(Liga Galega Xuvenil Masculina)

JEALSA BOIRO VOLEIBOL - ASESORES VILA CASTRO

(12:00h, A Cachada)-(Liga Galega Cadete Masculina)

REDESYL BOIRO VOLEIBOL - ASESORES VILA CASTRO

(12:00h, A Cachada)-(2ª Div. Autonómica Masculina)

NÁUTICO BOIRO VOLEIBOL - INTASA SAN SADURNIÑO

(19:00h, A Cachada)-(Superliga 2 Masculina)

DOMINGO 9:

JEALSA BOIRO VOLEIBOL - VOLEYOURENSE

(10:30h, A Cachada)-(Liga Galega Cadete Feminina)

JEALSA BOIRO VOLEIBOL - CALDARIA VOLEYOURENSE

(10:30h, A Cachada)-(2ª Div. Autonómica Feminina)

JEALSA BOIRO VOLEIBOL - VOLEYOURENSE

(12:00h, A Cachada)-(Liga Galega Xuvenil Feminina)

EQUIPO IDEAL DA PRIMEIRA FIN DE SEMANA DE NOVEMBRO:

Primeiro 7 ideal de novembro

Unha semana máis o nivel mostrado polos nosos xogadores nos seus compromisos foi altísimo e a pugna por formar no septeto ideal da xornada moi reñido. O equipo queda da seguinte maneira: colocador, Rubén Martínez: foi o timón do JEALSA Cadete Masculino na súa cómoda vitoria no Colexio Santa María do Mar. A intelixencia na toma de decisións do pequeno dos irmáns Martínez seguue a ser un dos seus puntos fortes. Oposta, Ada Villar: gran crecemento en facetas ofensivas o da oposta cadete. A súa intervención foi unha das armas que esgrimiu o JEALSA para sacar adiante un complicadísimo encontro en terras coruñesas. Receptora 1, Alejandra Moledo: gran actuación da noiesa no Colexio Liceo La Paz. A súa capacidade de puntuar, sumada á orde defensiva mostrada o pasado sábado, fai do equipo que dirixe Emilio Palacio un moi perigoso rival na Liga Galega. Receptor 2, Pablo Nieto: foi o canoneiro dos nosos cadetes. Prácticamente cada balón que saía da súa man convertíase en punto. Central 1, Mario Iglesias: os seus 8 puntos de ataque sobre 10 intentos son unhas cifras esttratosféricas polo que a súa inclusión neste equipo está máis que xustificada malia a derrota por 0-3 do Náutico. Central 2, Emilio Palacio: 8 puntos de ataque (67% de acerto) e dous bloqueos seus mantiveron vivas unhas opcións de vitoria que non chegaron a consumarse ante o CV Mediteráneo. Líbero, Irea Triñanes: un imán en defensa e moi eficaz en recepción. Gran parte do mérito da orde defensiva mostrada polo JEALSA cadete feminino o pasado sábado correspóndelle a Irea.

O NÁUTICO NON MOSTRA O SEU NIVEL E CAE ANTE CV MEDITERRÁNEO POR 0-3:

NÁUTICO BOIRO VOLEIBOL 0-3 CV MEDITERRÁNEO DE CASTELLÓN

(21-25, 24-26, 18-25)-(Superliga 2 Masculina)

Como outras tantas veces, ¡levantaranse!

O Náutico non puido impedir que os tres puntos en xogo ante o CV Mediterráneo fuxisen irremediablemente do polideportivo de A Cachada. Foi un encontro marcado polo baixo acerto ofensivo dos de Emilio Palacio e polos erros non forzados en varias facetas do xogo. O servicio boirense tampouco era o de outras citas e o potencial ofensivo dos castellonenses de contado saía a escea da man dos irmáns Monfort. Javier (14 puntos) tivo unha actuación máis que destacada en servicio onde conseguíu 3 aces e un bo puñado de accións onde a recepción boirense non era quen de enviar o esférico en condicións óptimas ó seu colocador. Vicente pola súa banda era o xogador máis destacado do CV Mediterráneo en ataque onde cos seus 12 puntos de remate (50% de acerto) superaba unha e outra vez ó entramado defensivo branquiazul. Malia este panorama o Náutico non lle perdeu a cara ós dous primeiros parciais onde se chegaba cunha igualdade máxima ós puntos decisivos dos mesmos. Era no segundo set cando chegaba o momento clave do encontro. Os boirenses dispoñían dunha pelota de set que poñería as táboas no luminoso pero non souberon pechar. Os de Santi López non dubidaron e aproveitáronse de dous erros locais para poñer unha pedra demasiado pesada sobre as costas dos nosos. No terceiro xogo o Náutico, alicaído, remaba sempre a contracorrente e non podía impedir que un serio rival marchase coa vitoria do noso feudo. Toca repoñerse canto antes e afrontar o próximo encontro, tamén en Boiro, ante Intasa San Sadurniño con enerxías renovadas. Consulta a estadística do encontro aquí. Polo Náutico xogaron: Iván S., Narciso A., Cristóbal Á., Gabriel del C., Mario I., Emilio P. e Adrián A. (líbero). Como suplentes estaban Ismael M., Germán R., Gustavo R., Jesús V. e Miguel V.

O NÁUTICO - CV MEDITERRÁNEO, PARTIDO ESTRELA PARA ESTE SÁBADO 1 DE NOVEMBRO:

LICEO B - JEALSA BOIRO VOLEIBOL
(10:30h, Colexio Liceo La Paz)-(Liga Zonal Infantil Feminina)

LICEO - JEALSA BOIRO VOLEIBOL

(10:30h, Colexio Liceo la Paz)-(Liga Galega Cadete Feminina)

ZALAETA - JEALSA BOIRO VOLEIBOL

(10:30h, P. Zalaeta)-(Liga Galega Xuvenil Feminina)

SANTA MARÍA DEL MAR - JEALSA BOIRO VOLEIBOL

(12:00h, Santa María del Mar)-(Liga Galega Cadete Masculina)

ZALAETA - JEALSA BOIRO VOLEIBOL

(12:00h, P. Zalaeta)-(2ª División Autonómica Feminina)

NÁUTICO BOIRO VOLEIBOL - CV MEDITERRÁNEO DE CASTELLÓN

(19:00h, A Cachada)-(Superliga 2 Masculina)

AS RAPAZAS, PROTAGONISTAS NO SEPTETO IDEAL DA PASADA XORNADA:

O pleno de vitorias apreta a entrada no septeto ideal

As competicións autonómicas femininas protagonizaron a fin de semana no entorno do Boiro Voleibol. Tres vitorias en tres encontros deixáronnos boas actuacións individuais e unha dura pugna por facerse cun hoco no equipo ideal da semana, que definitivamente queda deste xeito: colocadora, Laura Martínez: a súa capacidade de xestión do caudal ofensivo do JEALSA foi determinante para que as de Mario Iglesias recuperasen a senda dos triunfos na 2ª Autonómica. Cada intervención súa na liña de saque transformábase en amplas vantaxes no luminoso para as súas. Oposta, Ada Villar: participativa no xogo de ataque do JEALSA cadete feminino foi sen lugar a dúbida unha das razóns pola cal os dous puntos da vitoria non fuxiron rumbo Cambados. Receptora 1, Rebeca González: a de Boiro foi a punta de lanza da nosas nun encontro no que a súa alta efectividade en ataque foi unha das chaves do triunfo. Receptora 2, Alejandra Moledo: segunda inclusión da noiesa no equipo ideal gracias á súa facilidade para puntuar. O sábado non foi unha excepción e a súa aportación ofensiva foi vital para a vitoria do JEALSA sobre o XAV Cambados. Central 1, Alejandra Galbán: non cabe ningunha dúbida de que foi a xogadora franquicia do JEALSA no encontro xuvenil. Mostrouse efectiva en ataque, contundente en bloqueo e especialmente inspirada desde os 9 metros. Central 2, Xiana Rivas: a súa presenza preto da rede catapultaron á nova xogadora do primeiro equipo feminino a formar neste combinado ideal. Líbero, Paula Rial: extraordinaria exhibición defensiva a mostrada por Paula no encontro senior que lle permite por méritos propios ser a mellor líbero do Boiro Voleibol nesta semana.

PLENO DE VITORIAS PARA AS RAPAZAS DO BOIRO VOLEIBOL:

JEALSA BOIRO VOLEIBOL 3-0 X.A.V. CAMBADOS

(25-12, 25-18, 25-12)-(2ª División Autonómica Feminina)

As senior estrean o seu casilleiro de vitorias

Balsámico triunfo o do noso primeiro equipo feminino sobre o XAV Cambados trala derrota sufrida ante o CV Bruxas na primeira xornada da competición autonómica. Foi un encontro controlado de cabo a rabo polas boirenses. O ritmo imposto polo JEALSA no seu complexo defensivo era demasiado para un equipo, o cambadés, que xogaba a rachas. Esta irregularidade visitante enchía de confianza ás branquiazuis que, cunha atinada dirección da colocadora Laura Martínez, conseguía anotarse os sets sen maiores trabas. Destacable a actuación defensiva das de Mario Iglesias, impedindo en todo momento que o balón caese en firme boirense. Polo JEALSA xogaron: Laura M., Mariana D., Rebeca G., Melissa N., Noelia D., Xiana R. e Paula R. (líbero). Tamén xogaron Sara B., Sheila P., Alejandra M., Katy S. e Alejandra G.

TRES ENCONTROS PARA DISFRUTAR NA CACHADA DESTE SÁBADO 25:

JEALSA BOIRO VOLEIBOL - C.V. SANTIAGO

(11:00h, A Cachada)-(Liga Galega Xuvenil Feminina)

JEALSA BOIRO VOLEIBOL - X.A.V. CAMBADOS

(17:00h, A Cachada)-(Liga Galega Cadete Feminina)

JEALSA BOIRO VOLEIBOL - X.A.V. CAMBADOS

(18:30h, A Cachada)-(2ª División Autonómica Feminina)

IVÁN SOUTO, MVP DA PRIMEIRA XORNADA DA SUPERLIGA 2 MASCULINA. ¡PARABÉNS!

Equipo ideal da primeira xornada da SM-2

A RFEVB acaba de anunciar que o colocador do Náutico, Iván Souto, é o MVP da primeira xornada de liga na categoría de prata do volei español. Os seus 8 puntos (5 ataques, 2 bloqueos e 1 ace) e o 41% de efecitividade que repartiu entre os seus atacantes son motivos máis que suficientes para outorgar este galardón a Iván por segunda vez na súa carreira. Tamén nos alegramos de informar a inclusión de Gabriel Del Carmen no septeto ideal gracias ós 25 tantos que conseguíu o pasado sábado na Cachada. Aquí non remata a cousa xa que Emilio P. aparece entre os mellores sacadores gracias ós 2 puntos directos que conseguíu; Cristóbal Á. aparece como 3º mellor receptor gracias ó seu 78% de eficacia e o líbero Adrián A. como 3º mellor líbero cun 73% de acerto dunha xornada que deixa a Gabriel Del Carmen como o máximo anotador da categoría. Consulta os tops da xornada neste enlace. ¡A seguir traballando!

A VITORIA DO NÁUTICO CATAPULTA A 3 DOS SEUS XOGADORES Ó #7IDEALBOIROVOLEIBOL:

O Náutico, protagonista no 7 ideal desta xornada

O triunfo do Náutico sobre o CV Melilla na primeira xornada da SM-2 centra tódalas miradas do fin de semana e inclúe a 3 dos protagonistas do choque entre os destacados da fin de semana no Boiro Voleibol. Colocador, Iván Souto: a súa mestría na dirección elevou a un 41% a efectividade dos seus atacantes. 2 puntos de bloqueo, 1 ace e 5 puntos de ataque para un total de 8 son motivos máis que suficientes para formar entre os mellores da xornada. Oposto, Xian Pérez: a súa actuación ofensiva no Municipal de San Sadurniño foi uha das chaves que abriron a porta da vitoria do JEALSA xuvenil Masculino ante o Aldebarán. Receptor 1, Gabriel Del Carmen: os seus 25 puntos ante o CV Melilla (58% de efectividade en ataque) son o aval que presenta o 7 do Náutico para militar no equipo ideal da fin de semana. 2 bloqueos e 2 puntos directos de saque acompañan ós 21 de ataque para elevar os seus a números de MVP da xornada. Receptora 2, Melissa Novoa: a súa aportación axudou a que as xuvenís regresaran de Monforte cos 2 puntos da vitoria debaixo do brazo. Segura en recepción, activa en defensa e efectiva en ataque Melissa acompaña a Gabriel no posto de punta receptor esta semana. Central 1, Emilio Palacio: malia non saír de inicio Emilio convertíuse no máximo bloqueador do Náutico na tarde do sábado (3). A súa intervención en momentos decisivos do encontro decantou a balanza sempre en favor dos boirenses e un ataque seu por zona 3 hacia un ángulo imposible servía para anular o único balón de partido do que disfrutaron os melillenses. O encontro rematou con 2 saques seus que complicaban tremendamente a recepción visitante e deixaban a vitoria na Cachada. Central 2, Christopher Rodríguez: por segunda semana consecutiva a súa actuación na LGCM mete ó cadete boirense entre os destacados. A conexión Rubén-Christopher funcionou á perfección en San Sadurniño e a segunda vitoria dos cadetes veuse para Boiro. Líbero, Irea Triñanes: gran actuación en recepción e defensiva a da líbero cadete a pesar da derrota no PM A pinguela.