domingo, 29 de novembro de 2015

ROZANDO O PLENO DE VITORIAS...CRÓNICAS DA FIN DE SEMANA:

NÁUTICO BOIRO VOLEIBOL 3-1 CLUB VIGO VOLEIBOL
(25-17, 20-25, 25-23, 25-20)-(Superliga 2 Masculina)

O Náutico queda cos 3 puntos en xogo no derbi
Triunfo boirense neste derbi da Superliga 2 Masculina diante do Club Vigo Voleibol que viviu o debut do cadete Christopher Rodríguez co primeiro equipo e o regreso á Cachada do central noiés Pablo Suárez. Os do sábado foron 3 puntos moi traballados que lles sirven ós de Emilio Palacio para seguir aspirando a ese 4º posto que dá dereito a xogar Copa Príncipe. No arranque o Náutico mostrouse intratable. A presión exercida sobre a liña de recepción olívica e os puntos de ataque de Gabriel del Carmen (21) e Xian Pérez (14) desencadearon no luminoso unha ampla vantaxe coa que se pecharía a primeira manga. Na reanudación os de Suso Penedo reaccionaron. O seu cambio de saque mellorou sobre maneira e a actuación do oposto Nathan Matos (21 pts) foi a culpable principal. Os 9 erros non forzados cometidos polos nosos nesta manga serían unha lousa demasiado pesada que colocaría o empate no tanteador xeral. No 3º set viviríamos o que podemos denominar como momento decisivo do choque. Logo de ir dominando sempre 3 puntos por diante e colocarse en disposición de pechar o set cun favorable 23-20 no marcador, dous bloqueos directos dos vigueses equilibraban a balanza e facían pender o desenlace deste xogo dun fío. Definitivamente dous erros consecutivos en ataque dos visitantes daríanlle a vitoria parcial ó Náutico. A partires de aquí só houbo un equipo sobre a cancha da Cachada. Un comezo fulgurante de 4º set guiado polo acerto en servizo e ataque levaría ós nosos a gozar de rendas tales como un 10-4 ou un posterior 17-9. Co 24-17 no luminoso os vigueses apretaron os dentes para sembrar o nerviosismo en campo boirense pero despois de malgastar 4 balóns de partido conseguirían os nosos anotarse esta importante vitoria que pode servir como empurrón anímico de cara o final desta primeira ronda da competición. Consulta nesta ligazón a estadística oficial do partido. Polo Náutico xogaron Iván S., Xian P., Gabriel Del C., Cristóbal Á., Mario I., Pablo S. e Adrián A. (líbero). Como reservas estaban Ismael M., Fran D., Manuel P., Christopher R. e Germán R.

venres, 27 de novembro de 2015

O DERBI DA SM-2, PROTAGONISTA DA FIN DE SEMANA DE VOLEI NA CACHADA:

SÁBADO 28:

XORNADA DE DEPORTE ESCOLAR EN CEE (INFANTIL, ALEVÍN E BENXAMÍN)
(Horario de saída, 8:30h desde a marquesina da Cachada)

JEALSA BOIRO VOLEIBOL - CLUB VIGO VOLEIBOL
(10:00h, A Cachada)-(1ª Div. Aut. Cadete Masculina)

JEALSA BOIRO VOLEIBOL - CLUB VIGO VOLEIBOL
(11:30h, A Cachada)-(1ª Div. Aut. Xuvenil Masculina)

NÁUTICO BOIRO VOLEIBOL - CLUB VIGO VOLEIBOL
(19:00h, A Cachada)-(Superliga 2 Masculina)

DOMINGO 29:

JEALSA BOIRO VOLEIBOL - CVP ALIANZA ESPAÑOLA SEGUROS S.A.
(10:00h, A Cachada)-(1ª Div. Aut. Cadete Feminina)

JEALSA BOIRO VOLEIBOL - CVP ALIANZA ESPAÑOLA SEGUROS S.A.
(11:30h, A Cachada)-(1ª Div. Aut. Sénior Feminina)

JEALSA BOIRO VOLEIBOL - JEALSA BOIRO VOLEIBOL B
(12:00h, A Cachada)-(2ª Div. Aut. Infantil Feminina)

JEALSA BOIRO VOLEIBOL - CVP ALIANZA ESPAÑOLA SEGUROS S.A.
(13:00h, A Cachada)-(1ª Div. Aut. Xuvenil Feminina)

JEALSA BOIRO VOLEIBOL - FISIOTERAPIA CINESIA NOIA
(17:00h, A Cachada)-(1ª Div. Aut. Sénior Masculina)

luns, 23 de novembro de 2015

PASO ATRÁS DO NÁUTICO NA SÚA VISITA A PALENCIA. CRÓNICAS:

CYL PALENCIA 2016 3-0 NÁUTICO BOIRO VOLEIBOL
(25-17, 25-22, 25-22)-(Superliga 2 Masculina)


O Náutico non pode co CyL Palencia 2016
  Dende que o Náutico Boiro Voleibol milita na división de prata do volei nacional, a Selección Española Júnior sempre foi un rival a bater. E así, por terceiro ano consecutivo, a nosa primeira sección masculina dispúxose na tarde do sábado 21 de novembro a traer consigo unha importantísima vitoria, vital para as súas aspiracións copeiras. O comezo do partido foi excelente, todo marchaba segundo o previsto. O K1 funcionaba á perfección, brindando ao Náutico unha vantaxe de catro puntos mediado o 1º set. Non obstante, logo dunha pausa provocada por un choque ente Gabriel e Germán, Palencia faríase arriscadamente forte. Cunha insalvable presión co servizo e un brutal dominio no bloqueo-defensa, os de Benjamín Vicedo levaban un primeiro parcial con relativa facilidade. A partir deste momento, un mesmo patrón rexería o resto do encontro. Os nosos comezan mandando pero de novo, unha e outra vez, o bloqueo pacense condicionábao todo. De pouco servirían os 22 puntos e 50% de efectividade de Gabriel Del Carmen (máximo anotador do encontro), incapaz de liderar aos boirense en dous sets de idéntico resultado. Mais non todo é negativo. A desgraza da derrota sálvaa o triunfo de Playas del Médano sobre Hotel Río Carnaval de Badajoz, rival directo polo 4º posto da SVM2. Ademais do dito, a nota positiva do encontro déixaa a primeira convocatoria do boirense Pablo Nieto nesta competición, debutando contra o seu equipo de formación. Con este resultado, o Náutico Boiro Voleibol pasa a ocupar a 6ª praza da, empatado co Hotel Río Carnaval de Badajoz e os veciños do Intasa San Sadurniño. Polo Náutico Boiro Voleibol xogaron: Iván S., Emilio P., Gabriel Del C., Cristóbal A., Mario I., Germán R. e Adrián A. (líbero). Como reservas estaban: Ismael M., Manuel A., Xian P., Fran D. e Pablo S.

venres, 20 de novembro de 2015

VIAXES A PALENCIA, MONFORTE E A CORUÑA NESTA NOVA XORNADA:

SÁBADO 21:

CYL PALENCIA 2016 - NÁUTICO BOIRO VOLEIBOL
(17:30h, Campo de la Juventud de Palencia)-(Superliga 2 Masculina)

DOMINGO 22:

CV RIBEIRA SACRA - JEALSA BOIRO VOLEIBOL
(10:30h, PM A Pinguela)-(1ª Div. Aut. Cadete Feminina)

CLUB KORBIS - JEALSA BARRAÑA VOLEIBOL
(10:30h, PM A Pinguela)-(1ª Div. Aut. Infantil Masculina)

JEALSA BOIRO VOLEIBOL B - IES DE AMES
(11:00h, A Cachada)-(2ª Div. Aut. Infantil Feminina)

CLUB KORBIS - JEALSA BOIRO VOLEIBOL
(12:00h, PM A Pinguela)-(1ª Div. Aut. Infantil Masculina)

CV RIBEIRA SACRA - JEALSA BOIRO VOLEIBOL
(12:00h, PM A Pinguela)-(1ª Div. Aut. Xuvenil Feminina)

SANTA Mª DEL MAR - JEALSA BOIRO VOLEIBOL
(12:00h, Colexio Santa Mª del Mar)-(1ª Div. Aut. Cadete Masculina)

JEALSA BOIRO VOLEIBOL - A.D. XIRIA ASESORÍA CERVANTES
(19:30h, A Cachada)-(1ª Div. Aut. Sénior Feminina)

domingo, 15 de novembro de 2015

O NÁUTICO ACHÉGASE Á COPA PRÍNCIPE TRAS DERROTAR AO CV XÁTIVA. CRÓNICAS:

NÁUTICO BOIRO VOLEIBOL 3-0 C.V. XÁTIVA
(25-19, 26-24, 25-20)-(Superliga 2 Masculina)

Emilio Palacio contra o bloqueo do C.V. Xátiva
Segunda vitoria como local para o noso primeiro equipo masculino nesta tempada 2015-2016, nun encontro fundamental á hora de determinar os aspirantes á xa próxima Copa Príncipe 2016. Así pois, coa minúscula vantaxe dun punto na clasificación, o C.V. Xátiva presentábase no Pavillón de A Cachada cun claro e único obxectivo en mente: arrebatar toda aspiración copeira ao combinado boirense. Mais iso non ía ser posible. Nunha exhibición de concentración, firmeza e poderío, os nosos fixeron do partido un auténtico monólogo, que unicamente titubearía no segundo parcial. Con Emilio Palacio (17 puntos) e Gabriel Del Carmen (14 puntos) como referentes ofensivos, o Naútico eclipsaría todos os aspectos do xogo, imposibilitando a correcta reconstrucción da escuadra setabense. Tan só no segundo set, as accións en ataque de Carlos Acedo e Borja Bueno (10 e 8 puntos, respectivamente) serían quen de desequilibrar o bloque boirense, que xa miraba con decisión á pronta resolución do encontro. Desta forma, cos 3 puntos sumados na tarde do sábado, o Náutico sitúase na 6ª praza desta SVM2. Para a semana agarda outro rival directo, o CyL Palencia 2016.   Polo Náutico Boiro Voleibol xogaron: Iván S., Emilio P., Mario I., Germán R., Cristóbal A., Gabriel Del C. e Adrián A. Como reservas actuaron: Ismael M., Xián P., Manuel A., Diego R., e Fran D.

venres, 13 de novembro de 2015

NÁUTICO BOIRO - CV XÁTIVA, PARTIDO ESTRELA DESTA FIN DE SEMANA:

SÁBADO 14:

AS MARIÑAS OLEIROS - JEALSA BOIRO VOLEIBOL
(10:00h, P. Valle Inclán)-(1ª Div. Aut. Cadete Masculina)

PULPEIRA TRES PUERTAS X. TEIS - JEALSA BOIRO VOLEIBOL
(10:00h, PM de Teis)-(1ª Div. Aut. Xuvenil Feminina)

AS MARIÑAS OLEIROS - JEALSA BOIRO VOLEIBOL
(11:30h, P. Valle Inclán)-(1ª Div. Aut. Infantil Masculina)

MOCAVI XUVENIL TEIS - JEALSA BOIRO VOLEIBOL
(12:00h, PM de Teis)-(1ª Div. Aut. Cadete Feminina)

SECRETO GALAICO XUVENIL TEIS - JEALSA BOIRO VOLEIBOL
(12:00h, PM de Teis)-(1ª Div. Aut. Senior Feminina)

AS MARIÑAS OLEIROS - JEALSA BOIRO VOLEIBOL
(13:00h, P. Valle Inclán)-(1ª Div. Aut. Xuvenil Masculina)

IES DE AMES - JEALSA BOIRO VOLEIBOL
(16:30h, PM Bertamiráns)-(2ª Div. Aut. Infantil Feminina)

NÁUTICO BOIRO VOLEIBOL - C.V. XÁTIVA
(19:00h, A Cachada)-(Superliga 2 Masculina)

DOMINGO 15:

C.V.A.B. - JEALSA BOIRO VOLEIBOL B
(12:00h, PM Barraña)-(2ª Div. Aut. Infantil Feminina)

luns, 9 de novembro de 2015

O NÁUTICO ARAÑA UN PUNTO EN BADAJOZ. CRÓNICAS DA XORNADA:

HOTEL RÍO CARNAVAL DE BADAJOZ 3-2 NÁUTICO BOIRO VOLEIBOL
(25-19, 25-20, 31-33, 23-25, 15-6)-(Superliga 2 Masculina)

Foto de Rober González (Badajoz Deportes)
Derrota en cinco sets do noso primeiro equipo masculino no seu desprazamento a terras extremeñas para medirse ó Hotel Río de Badajoz. Os erros non forzados dos nosos e a presión exercida polos locais desde a liña de saque eran os elementos que se levaban todo o protagonismo no arranque do partido. Empurrados pola confianza que outorga estar sempre 3-4 puntos por riba no luminoso os pacenses mostraban un gran acerto desde os 9 metros da man do seu oposto, o catalán ex do FC Barcelona David Domenech. Deste xeito, e sen oposición ningunha por parte dos boirenses, se levaban os locais as dúas primeiras mangas mostrando solvencia e seguridade. Na reanudación as sensacións mudaron. A recepción boirense mellorou e as dúbidas comezaron a chegar ós potentes sacadores extremeños. Un gran Mario Iglesias (14 puntos de ataque cun magnífico 74% de acerto e 3 bloqueos directos) sería o xogador franquicia dos galegos para empatar un choque que de partida se puxera moi costa arriba. Cabe destacar tamén a aportación ofensiva de Gabriel Del Carmen, que malia xogar con molestias boa parte do encontro acadou a extraordinaria cifra de 22 tantos convertíndose no mellor atacante da xornada. Os folgos non acompañaron ós de Emilio Palacio no tie-break. As imprecisións volveron a maniatar ós nosos na primeira metade do 5º e os locais non tremeron para deixar dous valiosísimos puntos que ben poden valer por unha clasificación para a Copa Príncipe. Desde esta ligazón podes seguir a retransmisión do partido por parte de Canal Extremadura e aquí, as estadísticas oficiais do partido. Polo Náutico xogaron Iván S., Xian P., Gabriel Del C., Cristóbal Á., Mario I., Germán R. e Adrián A. (líbero). Como reservas estaban Ismael M., Manuel P. e Fran D.

mércores, 4 de novembro de 2015

HORARIOS DUNHA NOVA XORNADA CON MÚLTIPLES COMPROMISOS PARA OS NOSOS:

SÁBADO 7:

JEALSA BARRAÑA VOLEIBOL - H. VET. ACEÑA EMEVÉ LUGO
(10:00h, A Cachada)-(1ª Div. Aut. Infantil Masculina)

JEALSA BOIRO VOLEIBOL - CALASANCIAS CORUÑA
(10:00h, A Cachada)-(1ª Div. Aut. Infantil Masculina)

JEALSA BARRAÑA VOLEIBOL - CALASANCIAS CORUÑA
(12:00h, A Cachada)-(1ª Div. Aut. Infantil Masculina)

JEALSA BOIRO VOLEIBOL - CALASANCIAS CORUÑA
(12:00h, A Cachada)-(1ª Div. Aut. Cadete Feminina)

JEALSA BOIRO VOLEIBOL - CALASANCIAS CORUÑA
(16:00h, A Cachada)-(1ª Div. Aut. Cadete Masculina)

JEALSA BOIRO VOLEIBOL - CALASANCIAS CORUÑA
(17:30h, A Cachada)-(1ª Div. Aut. Senior Feminina)

JEALSA BOIRO VOLEIBOL - CALASANCIAS CORUÑA
(19:00h, A Cachada)-(1ª Div. Aut. Xuvenil Feminina)

HOTEL RÍO CARNAVAL BADAJOZ - NÁUTICO BOIRO VOLEIBOL
(19:00h, Pavillón Las Palmeras)-(Superliga 2 Masculina)

DOMINGO 8:

JEALSA BOIRO VOLEIBOL - CALASANCIAS CORUÑA
(16:00h, A Cachada)-(1ª Div. Aut. Xuvenil Masculina)

JEALSA BOIRO VOLEIBOL - CALASANCIAS CORUÑA
(17:30h, A Cachada)-(1ª Div. Aut. Senior Masculina)

luns, 2 de novembro de 2015

O NÁUTICO SAE DE POSTOS DE COPA PRÍNCIPE TRAS CAER CO F.C. BARCELONA:

NÁUTICO BOIRO VOLEIBOL 1-3 F.C. BARCELONA
(14-25, 23-25, 25-20, 23-25)-(Superliga 2 Masculina)

Axustada derrota do Náutico ante o F.C. Barcelona
Segunda derrota, e segunda como local do Náutico Boiro nesta edición 2015-16 da Superliga 2 Masculina. O F.C. Barcelona de Sergi Bosch marcharía cos 3 puntos da Cachada tras máis de hora e media de xogo e moita igualdade no tanteador. Os culés comezaron moi fortes sabedores da importancia do encontro conseguindo colocar no luminoso un parcial de 3-12. As accións ofensivas do oposto gaditano Germán López atraían tódalas miradas e os de Emilio Palacio pouco podían facer para evitar que o Barça golpeara primeiro. O inicio da 2ª manga estivo marcada pola aparición espectacular de Iván Souto desde a liña de saque, situando ós nosos cun 7-0 que abría un novo panorama no partido. Paulatinamente os branquiazuis foron perdendo folgos e o bo facer dos da cidade condal en bloqueo-defensa provocaron multitude de erros de ataque para os nosos que definitivamente vían como se lles escapaba o set por 23-25. Aquí estivo probablemente a clave do encontro, xa que do posible 1-1 pasouse a un 0-2 que sentou como unha lousa no estado de ánimo dos nosos. Unha vez máis o espíritu de loita do Náutico volveu a facer acto de presencia e empurrados polos case 600 siareiros que ateigaban as bancadas da Cachada volvían a tomarlle o pulso ó encontro. A efectividade en ataque dos boirenses crecía exponencialmente con Gabriel Del Carmen á cabeza (21 pts e un 54% de acerto) e co 25-20 final conseguían así recurtar distancias. Na reanudación os visitantes recuperarían a iniciativa do xogo ata chegar ó desenlace do set. Co 23-23 chegaría o segundo momento clave do encontro. Cristóbal Álvarez efectuou un saque flotado que  aparentemente caeu de pleno en chan catalán, pero que en cambio o árbitro sinalou como malo levando a primeira bola de set e partido para os blaugranas. 23-24 e tras un tempo morto solicitado por Emilio Palacio o central Iván Lanza conseguiría o bloqueo gañador que levaría os tres puntos a terras catalanas, deixando ó Náutico fóra de postos que dan dereito a xogar Copa Príncipe. O próximo sábado viaxe a Badajoz para medirse a un rival directo. Consulta nesta ligazón a estadística oficial do partido. Polo Náutico xogaron Iván S., Emilio P., Cristóbal Á., Gabriel Del C., Mario I., Germán R. e Adrián A. (líbero). Tamén xogaron Ismael M., Xian P., Adrián G., Manuel P. e Fran D.